رەسپۋبليكالىق ەكولوگيالىق اكتسيا اياسىندا تەمىرلان تاسجولىندا ورنالاسقان گۇلباقتار تازالاندى. تازالىق ءىس-شاراسىنا جالپى 100-دەن اسا ادام قاتىستى. ولاردىڭ قاتارىندا اۋدان تۇرعىندارى, كاسىپكەرلەر, زيالى قاۋىم وكىلدەرى, بەلسەندى جاستار, ەرىكتىلەر بار.
«تازالىق – دەنساۋلىق كەپىلى» دەگەن ۇستانىممەن وتكەن ءىس-شارادا اعاش كەسۋ, اكتەۋ, ءشوپ ورۋ, سۋارۋ, قوقىستاردان تازارتۋ جۇمىستارى جۇرگىزىلدى.
«مەملەكەت باسشىسى تاپسىرماسىمەن «تازا قازاقستان» ەكولوگيالىق اكتسياسى باستالعالى بەرى اۋدان تۇرعىندارى كۇن سايىن ءوزى تۇراتىن كوشە بويىنداعى ارىقتاردى, جول جيەكتەرىن قوقىستان تازارتىپ, بەلسەندى قاتىسىپ جاتىر. قالا – ورتاق ءۇيىمىز. سوندىقتان ونىڭ كوركەيىپ, گۇلدەنۋىنە ءاربىر تۇرعىن بەيجاي قاراماي, قوقىس-قالدىقتاردى كەز كەلگەن جەرگە لاقتىرماي, تازا ۇستاۋعا اتسالىسۋى قاجەت», دەيدى قىزىلجار شاعىن اۋدانىنىڭ ارداگەرلەر كەڭەسىنىڭ توراعاسى باستارحان بايجانوۆ.