الماتى وبلىسىنداعى اسۋلاردىڭ بىرىندە تۋريستەر مىنگەن اۆتوبۋستىڭ اۋدارىلىپ كەتۋىنە جول بەرگەن جۇرگىزۋشى قاماۋعا الىندى, دەپ حابارلايدى Egemen.kz.
الماتى وبلىستىق پوليتسيا دەپارتامەنتىنىڭ مالىمەتىنشە, 27 مامىر كۇنى Yutong اۆتوبۋسىنىڭ جۇرگىزۋشىسى كەگەن-جالاناش-كولساي اۆتوجولىنىڭ بەسىنشى شاقىرىمىندا كەلە جاتىپ, ءرۋلدى باسقارا الماي, اۆتوبۋستىڭ اۋدارىلۋىنا جول بەردى.
25 جولاۋشىعا مەديتسينالىق كومەك كورسەتىلدى.
- جۇرگىزۋشى كۋالىگىنەن ايىرىلعان كولىك قۇرالىن باسقارعانى ءۇشىن اۆتوبۋس جۇرگىزۋشىسى قاماۋعا الىندى. سونىمەن بىرگە, اۆتوبۋستى ايداۋعا بەرگەن جولاۋشىلاردى تاسىمالداۋدى جۇزەگە اسىراتىن ۇيىمنىڭ يەسىنە ءىرى مولشەردە ايىپپۇل سالىنادى,- دەپ حابارلادى پوليتسيادان.