ۇلىتاۋ وبلىسى بويىنشا بيىل 1 691 وقۋشى مەكتەپ بىتىرەدى. ولاردىڭ اراسىنان 38 تۇلەك - «التىن بەلگىگە» ۇمىتكەر. بۇل وبلىستاعى ءبىلىم ساپاسىنىڭ جوعارى دەڭگەيىن بايقاتادى.
وبلىستىڭ الدىڭعى قاتارلى ءبىلىم وردالارىنىڭ ءبىرى - ساتباەۆ قالاسىنداعى ب.مومىش ۇلى اتىنداعى مەكتەپ-گيمنازيا. تاريحى 1974 جىلدان باستالاتىن وقۋ ورنىنداعى سوڭعى قوڭىراۋ سالتاناتىنا قازاقستاننىڭ ەڭبەك ەرى, ساتباەۆ قالاسىنىڭ قۇرمەتتى ازاماتى, كەنشى تۇرسىنبەك ماقىشەۆ كەلىپ قاتىستى. ول جاس تۇلەكتەرگە قۇتتىقتاۋ لەبىزىن ءبىلدىردى.
«ەڭبەكتى سۇيىڭىزدەر. ادال ەڭبەككە سۇيەنگەن ازاماتتىڭ المايتىن اسۋى بولمايدى. ءبارىڭ دە وزدەرىڭ قالاعان ماماندىق يەسى اتانىڭدار. ۇلىتاۋ - جاڭا, جاس وبلىس. وسى ەلدىڭ ەرتەڭى - وزدەرىڭ. جوعارى ءبىلىم يەسى اتانعان سوڭ, تۋعان ولكەگە قايتا ورالىپ, ونى تۇلەتۋگە اتسالىسىڭدار», دەدى تۇرسىنبەك ماقىشەۆ.
ونىڭ ءسوزى جاس ۇرپاققا دەگەن اعا بۋىننىڭ اماناتىنداي سەزىلدى.
ۇلىتاۋ وبلىسى,ساتباەۆ قالاسى