رەنات كەنەەۆ الاتاۋ قالاسى اكىمىنىڭ ورىنباسارى بولىپ تاعايىندالدى, دەپ حابارلايدى Egemen.kz الماتى وبلىسىنىڭ اكىمدىگىنە سىلتەمە جاساپ.
رەنات كەنەەۆ 1984 جىلى الماتى وبلىسىندا دۇنيەگە كەلگەن. اباي اتىنداعى قازۇپۋ-ءدى قارجىگەر ماماندىعى بويىنشا جانە قوناەۆ اتىنداعى ۋنيۆەرسيتەتتى قۇقىقتانۋ ماماندىعى بويىنشا ءبىتىردى.
ەڭبەك جولىن 2007 جىلى بانك سالاسىندا باستاعان. 2017 جىلدان باستاپ مەملەكەتتىك قىزمەتكە اۋىسىپ, قازاقستان رەسپۋبليكاسى ۇكىمەتىندە جانە ۇلتتىق ەكونوميكا مينيسترلىگىندە جۇمىس ىستەدى.
سونداي-اق اۋىلدىق وكرۋگ اكىمى قىزمەتىن دە اتقارىپ, الماتى قالاسى اۋەزوۆ اۋدانى اكىمىنىڭ ورىنباسارى, حاتتاما جانە سىرتقى بايلانىس ءبولىمىنىڭ باس ينسپەكتورى بولعان.
بۇعان دەيىن الاتاۋ قالاسىنىڭ اكىمى قىزمەتىنە قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگى توراعاسىنىڭ بۇرىنعى ورىنباسارى اركەن وتەنوۆ تاعايىندالعان بولاتىن.
قىرمىزى جۇماعاليقىزى,
ەۇۋ ستۋدەنتى