قالانىڭ باستى قورعانىس قۇرىلىمى سانالاتىن سوكولوك ارناسى جاعالارىن بەكىتۋ جۇمىستارىنا 30-عا جۋىق ارنايى تەحنيكا جۇمىلدىرىلىپ, 100-گە جۋىق ازامات تاۋلىك بويى جۇمىس ىستەپ جاتىر, دەپ حابارلايدى Egemen.kz اتىراۋ وبلىسىنىڭ تج جونىندەگى جەدەل شتابىنا سىلتەمە جاساپ.
اتالعان ۋچاسكەگە جاۋاپتى كوورديناتور ولجاس سۇلتانوۆتىڭ ايتۋىنشا, قالاعا قاۋىپ ءتونىپ تۇرعان جوق.
جۇمىستار قارقىندى, بوگەتتەردى قوسىمشا بيىكتەتىپ, قالانى امان الىپ قالۋ ءۇشىن بارلىق كۇش جۇمىلدىرىلىپ جاتىر. ەگەر وزەن سۋى بوگەتتى جارسا, ارنايى جوسپار بار, وعان كۇللى كۇشتىك قۇرىلىم ساقاداي ساي تۇر.
ايتا كەتسەك, سوكولوك ارناسى بويىمەن نىعايتىلعان بوگەتتىڭ جالپى ۇزىندىعى – 32 شاقىرىم, ال تۇرعىزىلعان بوگەتتىڭ بيىكتىگى – 3 م.