قازاقستاندا بارلىق قىزمەتتەردىڭ ءورت ءسوندىرۋ ماۋسىمىنا دايىندىعى تەكسەرىلەدى. مۇنداي تاپسىرمانى باس پروكۋرور بەرىك اسىلوۆ بەردى. بۇل تۋرالى ول Twitter الەۋمەتتىك جەلىسىندە جازدى, دەپ حابارلايدى Egemen.kz.
قاداعالاۋ ورگانىنىڭ باسشىسى دۇنيەجۇزىلىك مەتەورولوگيالىق ۇيىمنىڭ جاز وتە ىستىق بولادى دەپ ۋادە ەتكەنىن اتاپ ءوتتى.
«ورمان ورتتەرىنىڭ شىعۋ ىقتيمالدىعى جوعارى. مەنىڭ تاپسىرمام بويىنشا ىقتيمال تاۋەكەلدەردى ازايتۋ ماقساتىندا وبلىس پروكۋرورلارى بارلىق قىزمەتتەردىڭ ءورت قاۋپى ماۋسىمىنا دايىندىعىن ساراپتايدى», دەدى ب.اسىلوۆ.
بۇدان بۇرىن حابارلانعانداي, ۇكىمەت 2023-2027 جىلدارى ورمان شارۋاشىلىعى كاسىپورىندارىن ماتەريالدىق-تەحنيكالىق جاراقتاندىرۋدى نىعايتۋعا رەكوردتىق 68 ملرد تەڭگە بولگەن. قازاقستاننىڭ ورمان شارۋاشىلىعىنىڭ بالانسىنداعى, ونىڭ ىشىندە ءورت سوندىرۋگە ارنالعان تەحنيكانىڭ ابدەن توزىعى جەتكەن.