مۋزەيدىڭ ءتالىمدى ءتۇنى

اسەرلى ءتۇننىڭ قوناق­تارى ەل تاريحىندا ەسىمى التىن ارىپ­­پەن قاشالعان تۇعىرلى تۇل­عا­­لاردىڭ ءومىر تىنىسى­نا قاتىستى دەرەكتەرمەن « ۇلى دالانىڭ ۇلى ەسىمدەرى» كور­مەسى ارقىلى تانىس­تى. كورمەگە ا.قۇنانباي ۇلى, ش.ءۋاليحانوۆ, ى.التىنسارين, ا.بايتۇرسىن ۇلى, م.تىنىش­باەۆ,ق.ساتباەۆ, ءا.مارعۇلان, ح.ارعىنباەۆ, ك.اقىشەۆ, ءو.جانىبەكوۆ, ب.قوجامقۇلوۆا مۇرالارى قويىلعان. ولاردىڭ تىرشىلىگىندە تۇتىنعان بۇيىم­دارىن, قۇجاتتارى مەن فوتو­سۋرەت­تەرىن كوزبەن كورۋ كورەر­مەن­دەرگە شابىت سىيلادى.

قازاق بەينەلەۋ ونەرىنىڭ باس­تاۋىندا تۇرعان ۇلى سۋ­رەت­­شىلەر ءا.قاستەەۆتىڭ 120 جىل­دىق, ءۇ.اجيەۆتىڭ 100 جىلدىق, ن.نۇرمۇحامەدوۆتىڭ 100 جىل­دىق, س.قوجىقوۆتىڭ 100 جىلدىق, گ.يسمايلوۆانىڭ 95 جىل­دىق مەرەيتويلارىنا ار­نالعان «قىلقالام شەبەر­لە­رى» اتتى كورمە دە ءدال وسى شارا اياسىن­دا اشىلدى.

قىلقالام الەمىنە قىزىعا­تىن قوناقتار مۇنداعى ء«داس­تۇر­دىڭ بەت-بەينەسى: قازاقس­تاننىڭ ەتنوستىق سيمفونيا­سى» كورمەسى ارقىلى ناعيما يبراشەۆا, ءلايلا جارقىن, اسەم سۇلەيمەنوۆا, التىناي بايجانوۆا, دينارا زاكارادزە سىندى جاڭا زامان سۋرەت­شى­لە­رىنىڭ شىعارما­شى­لىعىمەن تانىستى.

ەڭ قىزىعى, مۋزەيدىڭ رەس­تاۆراتسيا ورتالىعىنىڭ قىز­مەت­كەرلەرى قوناقتارعا كەسكىن­دەمەلەردى, كەراميكا مەن مەتالدى, اعاش پەن ماتانى, كيىزدەن جاسالعان بۇيىم­دار­دى قالپىنا كەلتىرۋ­دەن شە­بەرلىك ءدارىس وتكىزدى. اسى­رەسە «كونە زامان كولەڭ­كە­­لەرىنىڭ قۇپيالارى», «ارحەو­لوگ­تىڭ دالا قوسىنى», «الەم حالىقتارىنىڭ مۋزىكا­لىق اسپاپتارى», «كال­ليگ­را­فيا – عىلىم مەن ونەر تۇرىندە», «الىس-جاقىن شەتەل­دىڭ اقشا تۇرلەرى» تاقىرىپ­تىق-تا­نىم­دىق جوبالارى جاس كورەر­­مەن­دەر­دىڭ قىزىعۋ­شى­لى­عىن تۋدىردى.

قوناقتارعا ء«بىلىم بەرۋ جانە زەرتتەۋدەگى مۋزەيلەر» تاريحي-تانىمدىق مارشرۋتى ۇسىنىلدى. وندا بالا ەكس­كۋرسانتتار جۇرگىزگەن «مۋ­زەيدىڭ تاڭعاجايىپ الەمى» باعدارلاماسى, قازاقستان تاريحى بويىنشا كۆەستتەر, «مەن قازاقتىڭ تاريحىن بىلەمىن» جانە « ۇلى جىبەك جولىنىڭ تاريحى» ۆيكتورينالارى ۇيىم­داس­تىرىلدى.

ءدال وسى ءتۇنى ەرەكشە جان­دار­عا ارنالعان «تاكتيل­دىك جا­­دى­گەرلەر: قازاق حالقى­نىڭ مادە­نيەتىمەن تانىسۋ» جاڭا ينك­ليۋزيۆتىك جوباسىنىڭ تا­نىس­تىرىلىمى ءوتتى. جوبا «Qazaq-وner» ۇلتتىق قاۋىم­داس­تىعىنىڭ, «Aigul Line» برەن­دىنىڭ نەگىزىن قالاۋشى ءارى پرە­زي­دەنتى ا.جانسەرىكوۆانىڭ, و.تاڭسىقباەۆ اتىنداعى الماتى ساندىك جانە قولدانبالى ونەر كول­لەدجى مەن «باقىت» ساندىك جانە قولدانبالى ونەر ورتا­لى­عىنىڭ قولداۋىمەن جۇزەگە اسقان.

كورەرمەن نازارىنا ۇسى­نىل­عان «ون ساۋساعىنان ونەر تامعان» تانىمدىق كلاستەرى اياسىندا ساندىك-قولدانبالى ونەر شەبەرلەرى, سۋرەتشىلەر مەن قولونەرشىلەر اشىق شەبەرلىك ساعاتتارىن وتكىزدى. جوباعا ءۇن قوسقان Daru ۋنيۆەرسيتەتى «مۋزەيدەگى AI: تەحنولوگيا مەن ونەردەگى رەۆوليۋتسيا» شاراسى اياسىندا مۋزەي ەكسپوناتتارىنا جان ءبىتىرۋ ءۇشىن جاساندى ينتەللەكتتى پايدالانا وتىرىپ الدىڭعى قاتارلى وزىق تەح­نولوگيالاردىڭ الەۋەتىن كورسەتتى.

«بۇل جىلعى شارا مۋزەيدىڭ ءبىلىم سالاسىنداعى الار ورنىن, وسكەلەڭ ۇرپاقتى تاريح پەن ءداستۇردى دارىپتەۋ ارقىلى تار­بيەلەۋ جانە ۇلتتىق ما­دەنيەتتى ناسيحاتتاۋداعى مۋزەي­دىڭ ولشەۋسىز ۇلەسىن ايقىن­داۋ ءۇشىن ء«بىلىم بەرۋ جانە زەرتتەۋدەگى مۋزەيلەر» تاقى­رى­بىندا ءوتىپ وتىر. تاڭدا­لىپ الىنعان تاقىرىپ مۋزەيدىڭ نەگىزگى قىزمەتىنەن بولەك تاربيە جانە ءبىلىم بەرۋ سالاسىن دا قامتيتىن سەرپىندى عىلىم-ءبىلىم ورتالىعى ەكەنىن كورسەتەدى», دەيدى مەملەكەتتىك ورتالىق مۋزەيدىڭ ديرەكتورى راشيدا حاريپوۆا.

«مۋزەي ءتۇنى» مەرەكەسىنىڭ شەڭ­بەرىندە جاريالانعان «مۋ­زەيگە سىيلىق – ۇرپاققا مۇرا» اكتسياسىندا ازاماتتار مۋزەيلىك قۇنى بار زاتتار مەن كونە بۇيىمداردى مۋزەي قورىنا تاپسىردى. اتاپ ايتار بولساق, ءانشى ا.نۇرماعانبەتوۆانىڭ, كۇيشى ق.جانتىلەۋوۆتىڭ, جازۋشى ا.مەكەباەۆتىڭ, تاعى باسقا تۇلعالاردىڭ جەكە قورىنداعى قۇندىلىقتار ورتالىق مۋزەي قورىنا قابىلداندى. ارنايى كونتسەرتتىك باعدارلامادا حا­لىق ارتىستەرى, مەملەكەتتىك وركەسترلەر, مۋزىكالىق جانە شى­عار­ماشىلىق ۇجىمدار مەن انسامبلدەر ونەر كورسەتتى.

الماتى