Scat اۋەكومپانياسى استانادان پراگاعا رەيستەردى قايتا باستادى. بۇل تۋرالى ەلوردالىق اۋەجايدىڭ ءباسپاسوز قىزمەتى حابارلادى, دەپ جازادى Egemen.kz.
العاشقى رەيس بۇگىن, 22 مامىردا بولادى. رەيستەر اپتاسىنا 2 رەت سارسەنبى جانە سەنبى كۇندەرى Boeing-737 ۇشاعىندا ورىندالادى.
استانادان ۇشۋ ساعات 08:20-دا ورىندالسا, پراگاعا قونۋ ۋاقىتى ساعات 11:25-تە (جەرگىلىكتى ۋاقىت). پراگادان ۇشۋ - 12:15, استاناعا قونۋ - 20:10.
«بۇل كوپتەن كۇتكەن باعىت ەلوردا مەن قازاقستان تۇرعىندارىنا چەحيانىڭ ادەمى استاناسىنا, سونداي-اق چەحيا تۇرعىندارىنا الەمنىڭ جاس استانالارىنىڭ ءبىرى - استانانى كورۋگە مۇمكىندىك بەرەدى. SCAT اۆياكومپانياسىنا الەمدەگى ەڭ ادەمى قالالاردىڭ ءبىرى - پراگانى كورۋدىڭ بىرەگەي مۇمكىندىگى ءۇشىن العىس ايتامىز», دەپ اتاپ ءوتتى اۋەجايدا.