اتىراۋ وبلىسىنىڭ اۋماعىندا, دالالى جەردە ۇلكەن شۇڭقىر پايدا بولعان, دەپ جازادى Egemen.kz.
الەۋمەتتىك جەلىدە وسى نىساننىڭ ۆيدەوسى تاراپ جاتىر. AtyrauPress مالىمەتىنشە, بۇل ماحامبەت اۋدانىنىڭ قىرلى ايماعىندا, دالىرەك ايتقاندا, بەيبارىس اۋىلىنا جاقىن تۇستا پايدا بولعان.
- مىناداي شۇڭقىر پايدا بولىپتى. ساق بولىپ جۇرىڭدەر, بايقاماي قالماڭدار, - دەيدى ۆيدەودا ەر ادام.
كادرلاردان شۇڭقىردىڭ ءىشى سۋعا تولى ەكەنى كورىنەدى.
- شۇڭقىردىڭ ديامەترى 10 مەتردەن دە اسىپ كەتەدى. بۇل جەر جەكەمەنشىك مەكەمەنىڭ يەلىگىندە ەكەن. ال جاقىن ماڭدا بەيىت ورنالاسقان. جەرگىلىكتى اكىمدىك بۇل اۋماققا ءتيىستى ماماندار جىبەرىلەتىنىن جەتكىزدى, - دەپ جازىلعان جەرگىلىكتى باسىلىم مالىمەتىندە.