قازاقستان ءتۋريزمى: ەلىمىزدىڭ الەمدىك رەيتينگتەگى الەۋەتى قانداي؟

قازاقستان ساياحات پەن ءتۋريزمدى دامىتۋ جونىندەگى دۇنيەجۇزىلىك ەكونوميكالىق فورۋمنىڭ حالىقارالىق رەيتينگىندە ءوز پوزيتسياسىن ەداۋىر جاقسارتىپ, 119 ەل اراسىندا 52-ءشى ورىندى يەلەندى.

117 ەل قامتىعان رەيتينگتە قازاقستان بۇعان دەيىن 66-شى ورىندا بولعان ەدى.

تۋريزم مينيسترلىگىنىڭ مالىمەتىنشە, قازاقستان بىرنەشە نەگىزگى ساناتتاردا ەڭ جوعارى باعا الدى. جالپى رەيتينگتە جوعارىلاۋعا وسى كورسەتكىشتەر سەبەپ بولعان.

مىسالى قازاقستان:

باعانىڭ باسەكەگە قابىلەتتىلىگى بويىنشا 2-ءشى ءتۋريزمنىڭ الەۋمەتتىك-ەكونوميكالىق اسەرى بويىنشا 5 – ءشى دەنساۋلىق ساقتاۋ جانە گيگيەنا كورسەتكىشتەرى بويىنشا 23-ءشى تابيعي رەسۋرستار بويىنشا 30-شى, مادەني رەسۋرستار بويىنشا 48 – ءشى ادامي كاپيتال جانە ەڭبەك نارىعى بويىنشا 43-ءشى تۋريستىك ينفراقۇرىلىم جانە سەرۆيس بويىنشا 47-ءشى ورىنعا جايعاسقان.

تۋريزم مينيسترلىگىنىڭ وكىلدەرى قازاقستان ازەربايجان (56-ورىن), وزبەكستان (78-ورىن) جانە قىرعىزستاننان (102-ورىن) وزىپ, ورتالىق ازيا ەلدەرى اراسىندا كوشباسشى بولعانىن اتاپ ءوتتى.