سوڭعى كەزدە استاناداعى سۋ رەتتەيتىن بوگەتتىڭ كورىنىسى الەۋمەتتىك جەلىدە كەڭىنەن تاراپ, حالىق جاپپاي سول جەرگە اعىلدى. الايدا ول كوپشىلىك تاماشالايتىن ورىن ەمەس, قۇرىلىسى اياقتالاماعاندىقتان قاۋىپتى, جولدىڭ جان-جاعى قورشالماعان, كەلۋشىلەر سۋعا قۇلاپ كەتۋى مۇمكىن. سول ءۇشىن اكىمدىك بوگەتكە باراتىن جولدى جاپتى, دەپ حابارلايدى Egemen.kz.
سۋ رەتتەيتىن بوگەتتىڭ نەگىزگى مىندەتى — جازعى جانە قىسقى كەزەڭدە قالانىڭ ورتالىق بولىگىندەگى وزەننىڭ سۋ دەڭگەيىن رەتتەۋ.
سونداي-اق, بوگەت وزەننىڭ تاسقىن سۋىنىڭ ەسەپتىك ماكسيمالدى شىعىنىن 703 م3/س وتكىزۋدى قامتاماسىز ەتەدى.
قالا تۇرعىندارىنىڭ قاۋىپسىزدىگى ءۇشىن تەحنيكالىق وتكەل جابىق تۇر.
- نىساننىڭ قۇرىلىسى كەلەسى جىلى اياقتالادى دەپ جوسپارلانىپ وتىر. جوعارىدا ايتىلعانداردىڭ ءبارىن ەسكەرە وتىرىپ, ەلوردالىقتاردى قاۋىپسىزدىك شارالارىن ەلەۋسىز قالدىرماۋعا جانە قورعانىس قورشاۋىنان وتپەۋگە شاقىرامىز, سەبەبى بۇل قاۋىپتى بولۋى مۇمكىن, - دەيدى اكىمدىكتەن.
سونىمەن قاتار, نىساننىڭ قۇرىلىسى اياقتالعاننان كەيىن جاياۋ سەرۋەنگە ارنالعان بوگەتتى جايلاستىرۋ ماسەلەسى قاراستىرىلادى.