يراننىڭ سەگىزىنشى پرەزيدەنتى يبراحيم رايسي تىكۇشاق اپاتىنان قايتىس بولدى. تىكۇشاق ەلدىڭ سولتۇستىك-باتىسىنداعى شىعىس ازەربايجان پروۆينتسياسىنىڭ ۆارزاكان ايماعىندا قۇلادى, دەپ حابارلايدى Egemen.kz IRNA اگەنتتىگىنە سىلتەمە جاساپ.
كەشە, 19 مامىردا ءرايسيدىڭ تىكۇشاعى باسقا ەكى تىكۇشاقپەن بىرگە تەبريز قالاسىنا بەت العان ەدى.
شەتەلدىك باق تاراتقان اقپاراتقا سايكەس, تىكۇشاق بورتىندا جوعارعى كوشباسشىنىڭ وكىلى جانە تەبريز جۇما نامازىنىڭ يمامى, سىرتقى ىستەر ءمينيسترى حوسەين امير ابدوللاحيان, شىعىس ازەربايجان گۋبەرناتورى مالەك راحماتي, پرەزيدەنتتىك قاۋىپسىزدىك بولىمشەسىنىڭ قولباسشىسى گەنەرال سەيەد ماحدي مۋساۆي جانە باسقا دا ەكيپاج مۇشەلەرى بولدى.
اپات ورنىندا بولعان جەرگىلىكتى شەنەۋنىكتەر رايسي مەن ونىڭ ەكيپاجى مەرت بولعانىن راستادى.
يران ۇكىمەتى جاقىن ارادا رەسمي مالىمدەمە جاسايتىنى قوسا حابارلاندى.