مەملەكەت باسشىسى قاسىم-جومارت توقاەۆ امىرلىكتەر تاراپىنىڭ باستاماسىمەن وسى ەلدىڭ پرەزيدەنتى شەيح مۇحاممەد بەن زايد ءال ناحايانمەن تەلەفون ارقىلى سويلەستى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
تاراپتار ەكىجاقتى ىنتىماقتاستىقتى دامىتۋ پەرسپەكتيۆالارىن تالقىلادى. اتاپ ايتقاندا, ساۋدا-ەكونوميكالىق جانە ينۆەستيتسيالىق سالالارداعى قاتىناستاردى نىعايتۋعا باسا ءمان بەرىلدى. وسى رەتتە ەكى ەل باسشىلارى قازاقستان مەن امىرلىكتەر اراسىنداعى سەرىكتەستىكتىڭ قازىرگى دەڭگەيىن جوعارى باعالاي وتىرىپ, قول جەتكىزىلگەن بارلىق ۋاعدالاستىقتى ءتيىمدى جۇزەگە اسىرۋدىڭ ماڭىزدىلىعىن اتاپ ءوتتى.
مەملەكەتتەر باسشىلارى ساياسي ديالوگتى ودان ءارى كەڭەيتۋگە, ساۋدا-ساتتىق بايلانىستاردى جانداندىرۋعا جانە ەكونوميكانىڭ ءتۇرلى سەكتورلارىندا بىرلەسكەن جوبالاردى جۇزەگە اسىرۋعا ءوزارا نيەتتى ەكەنىن راستادى.
اڭگىمەلەسۋ بارىسىندا ءباا پرەزيدەنتى شەيح مۇحاممەد بەن زايد ءال ناحايان مەملەكەت باسشىسى قاسىم-جومارت توقاەۆتى وتكەن تۋعان كۇنىمەن قۇتتىقتادى.