قۇلسارى تۇرعىندارىنا باسپانانى جوندەۋ ماقساتىنا ارنالعان وتەماقى تولەنە باستادى, دەپ حابارلايدى Egemen.kz اتىراۋ وبلىسىنىڭ تج جونىندەگى جەدەل شتابىنا سىلتەمە جاساپ.
قۇلسارىنىڭ العاشقى 15 تۇرعىنىنا جوندەۋ-قالپىنا كەلتىرۋ جۇمىستارىنا وتەماقى تولەندى. بۇل تۋرالى جىلىوي اۋدانىنىڭ اكىمى جۇمابەك قاراجانوۆ سۋ تاسقىنىنان زارداپ شەككەن تۇرعىندارمەن كەزدەسۋ بارىسىندا حابارلادى.
اۋدان باسشىسىنىڭ ايتۋىنشا, 17 مامىردا م ۇلىكتى باعالاۋ ناتيجەلەرىن العان قۇلسارىنىڭ العاشقى 15 تۇرعىنى كەلىسىمشارتىنا قول قويعاننان كەيىن ءوز شوتتارىنا اقشالاي تولەمدەر العان. ەندى ولار جوندەۋ-قالپىنا كەلتىرۋ جۇمىستارىنا كىرىسەدى.
«اتىراۋ وبلىسىنىڭ اكىمى اتاپ وتكەندەي, قۇلسارىنىڭ ءاربىر تۇرعىنىنىڭ تۇرعىن ءۇيىن باعالاۋ بويىنشا جاعداي جەكە قارالادى», دەدى جۇمابەك قاراجانوۆ.
سونداي اق ول تۇرعىندارعا ءۇيدى اپاتتى دەپ تانۋ, سونداي-اق جوندەۋ-قالپىنا كەلتىرۋ جۇمىستارىن جۇرگىزۋ كەزىندە كەلتىرىلگەن زالالدى وتەۋ ءتارتىبى تۋرالى اقپارات ۇسىندى.