الەۋمەتتىك جەلىدە اۋلادا ايەلىن سوققىعا جىققان ەر ادامنىڭ ۆيدەوسى تارادى. پوليتسيا ىسكە قاتىستى قىزمەتتىك زەرتتەۋ جۇرگىزىپ, ءزابىر كورسەتۋشىنىڭ جەكە باسىن انىقتادى, دەپ جازادى Egemen.kz.
وقيعا پاۆلودار قالاسىنداعى كوپقاباتتى ءۇيدىڭ كىرەبەرىسىندە بولعان.
جەلىدە تاراعان ۆيدەودان ەر ادامنىڭ ۇيگە كىرە الماي تۇرعانىن ايتىپ, ايەلدى سوققىعا جىققانىن كورۋگە بولادى.
جابىرلەنۋشى ارىزدانۋدان باس تارتسا دا پاۆلودار وبلىسى پوليتسيا باسقارماسى ءىس بويىنشا تەرگەپ-تەكسەرۋدى باستادى.
تەرگەۋ بارىسىندا اگرەسسور جاسىرىنباعان, ال ايەل وقيعاعا قاتىستى ەسىندە ەشتەڭە قالماعانىن ايتقان.
«جانجالداسقان ەر مەن ايەل انىقتالدى. جابىرلەنۋشىنىڭ ارىز جازۋدان باس تارتقانىنا قاراماستان, پوليتسيا ەر ادامعا قاتىستى وتباسىلىق جانجال دەرەگى بويىنشا اكىمشىلىك ءىس قوزعادى. سوت-مەديتسينالىق ساراپتاما تاعايىندالدى, ونىڭ ناتيجەلەرى بويىنشا پروتسەستىك شەشىم قابىلدانادى», دەلىنگەن پاۆلودار وبلىسى پوليتسيا دەپارتامەنتىنىڭ حابارلاماسىندا.