ەلىمىزدىڭ 14 ايماعىندا نەگىزگى ۇبت باستالدى. ال سۋ تاسقىنى بولعان 6 وڭىردە ۇبت 25 مامىردا باستالادى. بۇل تۋرالى عىلىم جانە جوعارى ءبىلىم مينيسترلىگى ۇلتتىق تەستىلەۋ ورتالىعىنىڭ ديرەكتورى بولاتبەك ءابدىراسىلوۆ ورتالىق كومۋنيكاتسيالار قىزمەتى الاڭىندا وتكەن ءباسپاسوز كونفەرەنتسياسىندا ايتتى, دەپ حابارلايدى Egemen.kz.
«بيىل تالاپكەرلەر نەگىزگى ۇبت-نى 2 رەت تاپسىرادى. قازىرگى ۋاقىتتا 330 مىڭعا جۋىق ءوتىنىش قابىلداندى. 181 مىڭ تالاپكەر تەستىلەۋگە قاتىسۋعا نيەت بىلدىرگەن», دەدى بولاتبەك ءابدىراسىلوۆ.
ۇبت جىلىنا 5 رەت وتەدى: 3 رەت – اقىلى نەگىزدە, ال نەگىزگى ۇبت بويىنشا تالاپكەرلەر گرانتتار بەرۋ كونكۋرسىنا قاتىسۋ مۇمكىندىگىنە يە بولادى.