الماتىدان گۋمانيتارلىق كومەك كەلدى

اتىراۋ وبلىسىنىڭ جە­دەل شتابىنىڭ ما­لىمەتىنشە, قۇلسا­رىدان اتىراۋ, اقتاۋ قالالارى مەن «تەڭىز» كەنىشىندەگى ەۆاكۋاتسيا پۋنكتتەرىنە 36 738 تۇرعىن كو­شىرىلدى. تۇرعىنداردىڭ دەنى ورال­عانىمەن, ءالى دە 809 ادام ەۆا­كۋاتسيالىق پۋنكتتەردە تۇرىپ جاتىر. ونىڭ ىشىندە 371 ادام «تەڭىز» ۆاحتالىق قالاشىعىنداعى ەۆاكۋاتسيالىق پۋنكتتە ورنا­لاسقان. كورشىلەس اقتاۋ قالا­سىنداعى ەۆاكۋاتسيالىق پۋنكت­تەرگە ورنالاسقان 86 تۇر­عىن تۇر­عىلىقتى مەكەنىنە ءالى ورال­ماعان. ال قۇلسارى قالا­سىندا اشىلعان ەۆاكۋاتسيا پۋنكت­تەرىندە 352 ادام تۇرىپ جاتىر.

قۇلسارىداعى تاسقىنعا باي­لانىستى كۇردەلى جايت ەل ازا­ماتتارىنىڭ ءبارىن الاڭداتىپ وتىر. ءار وڭىردەن كومەك قولىن سوزىپ جاتقاندار بار. كەشە اتىراۋعا الماتى قالاسى مەن الماتى وبلىسىنان جىبەرىلگەن گۋمانيتارلىق كومەك جەتكىزىلدى. گۋمانيتارلىق كومەك پرەزيدەنت جانىنداعى ايەلدەر ىستەرى جانە وتباسىلىق-دەموگرافيالىق سايا­سات جونiندەگi ۇلتتىق كوميس­سيا­نىڭ باستاماسىمەن جينالعان.

ناقتىلاي ايتقاندا, قاراجات پەن قاجەتتى زاتتاردىڭ جينالۋىنا الماتى قالاسى جانە الماتى وبلىسى اكىمدەرىنىڭ جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيالاردىڭ مۇشەلەرى باس­تاماشى بولعان. وعان قالالىق جانە وبلىستىق جاستار ساياساتى باسقارمالارىنىڭ قىزمەت­كەرلەرى اتسالىسقان.

«ەل ازاماتتارى اتىراۋ وب­لىسىنداعى جاعدايدى جانا­شىر­لىقپەن باقىلاپ وتىر. حا­لىقارالىق وتباسى كۇنىنە وراي جى­بەرىلگەن گۋمانيتارلىق كو­مەكتە ءبىرىنشى كەزەكتە قولدا­نىلاتىن توسەك-ورىن جاب­دىق­تارى, ازىق-ت ۇلىك, مەدي­تسي­نالىق پرەپاراتتار مەن جاڭا كيىمدەر بار», دەدى اتى­راۋ وبلىسى اكىمىنىڭ جا­نىنداعى ايەلدەر ىستەرى جانە وتباسىلىق-دەموگرافيالىق سايا­سات جونىندەگى كوميسسيانىڭ باس ينسپەكتورى زامزاگۇل جال­مۋرزينا.

ونىڭ ايتۋىنشا, وڭىرلىك كوميسسيا مۇشەلەرى مەن اسكە­ريلەر گۋمانيتارلىق كومەكتى سۇرىپتايدى. ماسەلەن, ماتراتس, توسەك-ورىن جيىنتىعى, كوپ­شىك, جامىلعى كورپە, سۇلگى, گيگيەنالىق زاتتار, ازىق-ت ۇلىك, جاڭا كيىم, شارۋاشىلىق جانە قۇ­رىلىسقا قاجەتتى بۇيىمدار قۇلسارى قالاسىنا جەتكىزىلەدى.

اتىراۋ وبلىسى