الماتى قالاسىنىڭ مەملەكەتتىك ارحيۆىندە قازاقستاننىڭ حالىق ءارتىسى, مەملەكەتتىك سىيلىقتىڭ لاۋرەاتى, كومپوزيتور, ءانشى ەسكەندىر حاسانعاليەۆتىڭ قۇرمەتىنە مۋزەي بۇرىشى اشىلدى. ونىڭ وتباسى بەلگىلى كومپوزيتوردىڭ ءومىرى مەن شىعارماشىلىعىنا بايلانىستى 100-دەن استام قۇجات پەن ەكسپوناتتى مەملەكەتتىك ساقتاۋعا تاپسىردى.
«ارحيۆ – بۇل حالىقتىڭ رۋحاني بايلىعى مەن مادەني مۇراسىن ساقتايتىن, بولاشاق ۇرپاققا ميراس ەتەتىن ماڭىزدى بۋىن. بۇگىن الماتى قالاسىنىڭ ءارحيۆى ەسكەندىر حاسانعاليەۆتىڭ جەكە قورىنان الىنعان باعالى قۇجاتتارمەن جانە زاتتارمەن تولىقتىرىلدى. ءبىزدىڭ ورتاق مىندەتىمىز – تۋعان جەرگە جانە ءوز حالقىنا دەگەن سۇيىسپەنشىلىكتى بەينەلەيتىن كومپوزيتوردىڭ شىعارمالارىن ساقتاۋ جانە ناسيحاتتاۋ, – دەدى الماتى قالاسى مادەنيەت باسقارماسىنىڭ باسشىسى عاني مايلىباەۆ. ءىس-شاراعا زيالى قاۋىم وكىلدەرى, كومپوزيتوردىڭ تۋىستارى مەن ونەردەگى سەرىكتەرى قاتىستى. جىبەكباۋ قيۋ ءراسىمى ايگىلى «اتامەكەن» ءانىنىڭ سۇيەمەلدەۋىمەن ءوتتى.
«ەسكەندىر وتەگەن ۇلىنىڭ شىعارماشىلىعى مەن ەڭبەگى حالىققا تيەسىلى. ەندى قازاقستان ەسترادا اڭىزىنىڭ قولجازبالارى, مەملەكەتتىك ناگرادالارى, فوتوالبومدارى, سىيلىقتارى مەن كىتاپتارى وسىندا ساقتالادى, وسكەلەڭ ۇرپاق قاجەت بولعان جاعدايدا تانىسا الادى. وتباسىمىزدىڭ اتىنان مۋزەي بۇرىشىن اشۋ جونىندەگى وسى يگى باستامانى قولداعانى ءۇشىن بارلىعىنا العىس بىلدىرەمىن», – دەدى حالىق ءارتىسىنىڭ جۇبايى داريكو حاسانعاليەۆا.
الماتى