سىبايلاس جەمقورلىققا قارسى ءىس-قيمىل اگەنتتىگى بۇرىنعى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسينگە قاتىستى قىلمىستىق ءىس قوزعالعانى تۋرالى اقپاراتتى تەرىسكە شىعاردى, دەپ حابارلايدى Egemen.kz.
«قازىرگى ۋاقىتتا سىبايلاس جەمقورلىققا قارسى ءىس-قيمىل اگەنتتىگى مەن ونىڭ اۋماقتىق بولىمشەلەرىندە بۇرىنعى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى مۋسين باعدات باتىربەك ۇلىنا قاتىستى قىلمىستىق ءىس جوق», دەدى سوتقا دەيىنگى تەرگەپ-تەكسەرۋ قىزمەتىنىڭ باسشىسى قانات سۇلەيمەنوۆ.
ايتا كەتەيىك, ءساۋىر ايىنىڭ سوڭىندا پرەزيدەنت قاسىم-جومارت توقاەۆ باعدات ءمۋسيندى تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى قىزمەتىنەن بوساتقان ەدى. كەيىن ەكس-مينيستر جەلىدە جازبا قالدىرىپ, ءوز ەركىمەن وتستاۆكاعا كەتكەنىن حابارلادى.