تبيليسي-الماتى باعىتىنداعى رەيس ۇشىپ كەلگەننەن كەيىن اۋەجايداعى جەلىلىك پوليتسيا ءبولىمىنىڭ قىزمەتكەرلەرى ۇشاقتىڭ جانىنان تەمەكى شەگىپ وتىرعان شەتەلدىك جولاۋشىنى انىقتادى, دەپ حابارلايدى Egemen.kz.
ەسكە سالايىق, بەلگىلەنبەگەن ورىنداردا تەمەكى بۇيىمدارىن تۇتىنۋعا قازاقستان زاڭناماسىمەن تىيىم سالىنادى.
«تەكسەرۋ بارىسىندا قىتاي حالىق رەسپۋبليكاسىنىڭ 24 جاستاعى ازاماتى انىقتالدى. قۇقىق بۇزۋشى بەلگىلەنبەگەن ورىنداردا تەمەكى بۇيىمدارىن تۇتىنۋعا تىيىم سالۋدى بۇزعانى ءۇشىن جاۋاپكەرشىلىككە تارتىلىپ, وعان 15 اەك (55 380 تەڭگە) مولشەرىندە ايىپپۇل سالىندى», دەپ مالىمدەدى پوليتسيا دەپارتامەنتى.
ايتا كەتسەك, جىل باسىنان بەرى ەلىمىزدىڭ جول پوليتسياسى ءتۇرلى اكىمشىلىك قۇقىق بۇزۋشىلىق جاساعانى ءۇشىن 32 مىڭنان استام ادامدى جاۋاپقا تارتتى. قۇقىق بۇزعان ازاماتتاردىڭ 1 021-ءى بەلگىلەنبەگەن جەرلەردە تەمەكى شەككەنى ءۇشىن جاۋاپكەرشىلىككە تارتىلدى.
قىرمىزى جۇماعاليقىزى,
ەۇۋ ستۋدەنتى