الماتىدا 13-ءشى ورتالىق ازيا ساۋدا فورۋمى «ساۋدا ينتەگراتسياسى: جاھاندىق دامۋ» تاقىرىبىندا ءوز جۇمىسىن باستادى, دەپ حابارلايدى Egemen.kz.
فورۋمدى اقش حالىقارالىق دامۋ اگەنتتىگى (USAID) وتكىزەدى. بۇل ىنتىماقتاستىقتى, كاسىپكەرلىكتى جانە ساۋدا ساياساتىن ىلگەرىلەتۋگە باعىتتالعان ايماقتىڭ جەتەكشى ساۋدا ءىس-شارالارىنىڭ ءبىرى.
الماتى قالاسىنا ورتالىق ازياداعى ساۋدانى دامىتۋ مۇمكىندىكتەرىن زەرتتەۋ ءۇشىن ازيا, ەۋروپا, تاياۋ شىعىس, ۇلىبريتانيا جانە اقش ەلدەرىنەن 300-دەن استام بيزنەس پەن ۇكىمەت وكىلدەرى جينالدى. فورۋم وتىرىستارىندا تسيفرلاندىرۋ, كولىك, لوگيستيكا, پروتسەدۋرالاردى ۇيلەستىرۋ, ساۋدانى رەتتەۋ, دۇنيەجۇزىلىك ساۋدا ۇيىمىنىڭ ستاندارتتارى, سونداي-اق ورتالىق ازياداعى ساۋدانىڭ دامۋىنا كەدەرگى كەلتىرەتىن فاكتورلاردى تالقىلاۋ ءۇشىن سەسسيالار ۇيىمداستىرىلدى.
ء«بىز ون جىلدان استام ۋاقىت بۇرىن ساۋدا ىنتىماقتاستىعىن ارتتىرۋ تۇراقتى, گۇلدەنگەن جانە ءوزارا بايلانىستى ورتالىق ازيانى قۇرا الادى دەگەن سەنىممەن دۇنيەگە كەلگەن وسى فورۋمدى قولدايتىنىمىزدى ماقتان تۇتامىز», دەدى ۆاشينگتون قالاسىنان كەلگەن USAID اكىمشى كومەكشىسىنىڭ اعا ورىنباسارى زەيناح سالاحي.
قازاقستان رەسپۋبليكاسى ساۋدا جانە ينتەگراتسيا ۆيتسە-ءمينيسترى قايرات تورەباەۆ فورۋمنىڭ باستى مىندەتى ايماقتاعى مۇمكىندىكتەر مەن پروبلەمالاردى اشىق ديالوگتا باعالاۋ ەكەنىن اتاپ ءوتتى.
«وزدەرىڭىز بىلەتىندەي, ورتالىق ازيا ەلدەرى تەڭىزگە شىعا المايتىندىقتان, ايماقىشىلىك ساۋدا ۇلكەن ءرول اتقارادى. ساۋدا – كەز كەلگەن ەلدىڭ ەكونوميكالىق دامۋىنىڭ نەگىزگى فاكتورلارىنىڭ ءبىرى. مۇندا قاتىسۋشىلار ساۋدانى, ينفراقۇرىلىمدى, ەلەكتروندى كوممەرتسيانى تالقىلايدى, سونىمەن قاتار ەلدەر بويىنشا بەلگىلى ءبىر تاقىرىپتىق سەسسيالار بار», دەدى قايرات تورەباەۆ.
ورتالىق ازيا ساۋدا مينيسترلىكتەرى قۇنى 32 ميلليون دوللاردان اساتىن كەلىسىمشارتتارعا قول قويۋعا ىقپال ەتتى, سونداي-اق ءىس-شاراعا 25 ەلدەن 10 مىڭنان استام مەملەكەتتىك جانە كوممەرتسيالىق قۇرىلىمداردىڭ وكىلدەرى قاتىستى.
قىرمىزى جۇماعاليقىزى,
ەۇۋ ستۋدەنتى