قىزىلوردادا ستاديون سالىنادى

«مەملەكەت باسشىسى ء«بارىمىز – ءبىر ەلدىڭ ازاماتىمىز. تاريح توعىستىرعان تاعدىرىمىز – ءبىر, سەنىممەن قادام باساتىن كەلە­شەگىمىز – ءبىر. ءبىز ءبىرتۇتاس ۇلت رەتىندە ءاردايىم بابالار اماناتىنا ادال بولامىز. قاسيەتتى قارا شاڭى­راعىمىز – قازاقستاننىڭ جارقىن بولاشاعىن بىرگە جاسايمىز. ءبىزدىڭ ماقساتىمىز ايقىن, بۇل – ادىلەتتى قازاقستاندى قۇرۋ» دەگەن بولاتىن. بۇگىنگى باستاما دا ەلدىڭ ەرتەڭىن بىرگە قالىپتاستىرۋدىڭ قادامى دەسەك قاتەلەسە قويماسپىز.

وبلىس ورتالىعىنداعى سالىنعانىنا 60 جىلعا جۋىقتاعان عاني مۇراتباەۆ اتىنداعى ور­تالىق ستاديوننىڭ ۋەفا تالاپتارىنا سايكەس كەلمەيتىنى بۇعان دەيىن تالاي مارتە ايتىلىپ, سۇيىكتى كوماندامىز «قاي­ساردىڭ» جانكۇيەرلەرى جاڭا ستاديون سالۋ جايلى ۇسىنىس تا جولداپ كەلگەن. سونى جۇزەگە اسىرۋدىڭ ءساتى بۇگىن ءتۇسىپ وتىر. مەرەكە كۇنى وزدەرىڭىزبەن بىرگە حالىقارالىق تالاپتارعا ساي كەلەتىن, 10 مىڭ ورىندىق جاڭا ستاديوننىڭ ىرگەتاسىن قالايمىز. جالپى, كەيىنگى 30 جىلدا ەلىمىزدە زاماناۋي ەكى ستاديون, «استانا ارەنا» مەن «تۇركىستان ارەنا» عانا سالىنعانىن بىلەسىزدەر. ەندى سولاردىڭ قاتارىنا قىزىلوردا ستاديونى دا قوسىلادى», دەدى اي­ماق باسشىسى.

فۋتبولدان قازاقستان قۇرا­ما كومان­داسىنىڭ كاپيتانى اسحات تاعىبەرگەن جەر­لەستەرىن قۇت­تىقتاپ, مەملەكەت جانە قوعام قاي­راتكەرى باقبەرگەن دوسمانبەتوۆ باتا بەردى.

بيىل قىزىلوردا قالاسىندا قۇنى 2 ملرد 700 ملن تەڭگە بولاتىن ۇستەل تەننيسى ورتالىعىنىڭ قۇرىلىسى ءجۇرىپ جاتىر. حالىق­ارالىق ستاندارتتارعا ساي كەلەتىن جابىق باسسەينى بار كوپسالالى دەنە شىنىقتىرۋ-ساۋىقتىرۋ كەشەنىنىڭ قۇرىلىسى باستالدى. ستاديون سالىناتىن اۋداننان فيزيكا-ماتەماتيكا مەكتەپ-ينتەرناتى, وقۋشىلار سارايى جانە مۋزىكالىق كوللەدجدىڭ عيماراتتارى بوي كوتەرىپ كەلەدى.

بىلتىر وڭىردە 7 دەنە شى­نىق­تىرۋ-ساۋىقتىرۋ كەشەنى ەل يگى­لىگىنە تابىستالسا, بيىل اۋدانداردا 4,7 ملرد تەڭگەگە 12 سپورت كە­شەنىن پايدالانۋعا بەرۋ جوس­پارلانىپ وتىر.

قىزىلوردا