اباي وبلىسىندا ورمان ۇرلىعى فاكتىسىنىڭ جولى كەسىلدى. بۇل تۋرالى اتالعان وبلىستىڭ مەملەكەتتىك ورمان ينسپەكتسياسىنىڭ ءباسپاسوز قىزمەتىنەن ءمالىم بولدى, دەپ حابارلايدى Egemen.kz.
11 مامىردا تابيعات قورعاۋ زاڭناماسى تالاپتارىنىڭ ساقتالۋىن باقىلاۋ بويىنشا جەدەل-رەيدتىك ءىس-شارالار شەڭبەرىندە «اباي وبلىسى بويىنشا وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسى» رمم ماماندارى بەسقاراعاي اۋدانىنىڭ تابيعات قورعاۋ پوليتسياسى قىزمەتكەرلەرىمەن بىرلەسىپ, موروزوۆ فيليالىندا دىمقىلداۋ وسەتىن قاراعاي اعاشتارىن زاڭسىز تاسىپ اكەتۋ فاكتىسىن انىقتاعان.
ورمان ينسپەكتسياسى حابارلاماسىندا: «اعاشتاردىڭ جالپى كولەمى 7,8 تەكشە مەتردى قۇرادى, كەلتىرىلگەن زالال 550 مىڭ تەڭگەدەن استام», دەلىنگەن.
كىنالىلەردى قر قك 188-بابىندا كوزدەلگەن قىلمىستىق جاۋاپكەرشىلىككە تارتۋ ءۇشىن ماتەريالدار قۇقىق قورعاۋ ورگاندارىنا بەرىلدى.