2023 جىلدىڭ جەلتوقسان ايىندا الماتى مەن شىمكەنتتە جوعالىپ كەتكەن ەر ادامدار كوز جۇمعانى انىقتالدى. بۇل تۋرالى LIDER.KZ ەرىكتىلەرى Instagram پاراقشاسىندا حابارلادى, دەپ جازادى Egemen.kz.
1976 جىلى تۋعان بەگىمبەتوۆ مۇرات جايلاۋبەك ۇلى 2023 جىلدىڭ 30 جەلتوقسانىندا ءىز-ءتۇسسىز جوعالىپ كەتكەن. ەر ادام ىلە اۋدانى, كومسومول اۋىلى, اباي كوشەسى, 46-ءۇي مەكەنجايىنداعى ۇيدەن شىعىپ كەتىپ, ورالماعان.
ەرىكتىلەردىڭ ايتۋىنشا, جوعالعان ادامنىڭ دەنەسى 9 مامىردا الماتىنىڭ الاتاۋ اۋدانىندا تابىلعان. باسقا مالىمەتتەر جاريا ەتىلمەگەن.
1989 جىلى تۋعان مادىبەكوۆ رۋسلان ەرعازى ۇلى 2023 جىلدىڭ 26 جەلتوقسانىندا جوعالىپ كەتكەن. سول كۇنى ەر ادام شىمكەنتتەگى توكسيكولوگيالىق ورتالىقتان بەلگىسىز باعىتتا شىعىپ كەتكەن. ناركولوگيالىق, پسيحيكالىق ديسپانسەردە ەسەپتە تۇرعان. ەكىنشى توپتاعى مۇگەدەك, دەنەسىندە كۇيىك ىزدەرى بار. شىمكەنتتىك ازاماتتىڭ دا ءمايىتى تابىلدى.