ۇلتتىق ستاتيستيكا بيۋروسى 2024 جىلعى قاڭتار-ناۋرىزداعى دەموگرافيالىق جاعداي تۋرالى دەرەكتەردى جاريالادى, دەپ حابارلايدى Egemen.kz.
2024 جىلعى 1 ساۋىردەگى جاعداي بويىنشا حالىق سانى 20 095 963 ادام بولدى, ونىڭ ىشىندە قالا تۇرعىندارى – 12 513 014, اۋىلدىقتار – 7 582 949 ادام. 3 ايدا حالىقتىڭ جالپى ءوسىمى 62 121 ادام بولدى.
2024 جىلدىڭ العاشقى ءۇش ايىندا 91,9 مىڭ مىڭ ءسابي دۇنيەگە كەلدى, قايتىس بولعاندار سانى – 33,4 مىڭ ادام بولدى. وسىلايشا, حالىقتىڭ تابيعي ءوسىمى 58,4 مىڭ ادامدى قۇرادى.
تۋدىڭ ەڭ جوعارى دەڭگەيى ماڭعىستاۋ (1000 تۇرعىنعا 25,10 ادام), تۇركىستان (24,71) وبلىستارىندا جانە شىمكەنت قالاسىندا (23,57) بايقالدى.
ءولىم-ءجىتىمنىڭ ەڭ جوعارى دەڭگەيى سولتۇستىك قازاقستان (1000 تۇرعىنعا شاققاندا 12,05), شىعىس قازاقستان (11,98) جانە قوستاناي وبلىستارىندا (10,51) تىركەلدى, بۇل وسى وبلىستارداعى حالىقتىڭ جاس قۇرىلىمىمەن ەرەكشەلەنەتىن فاكتور.
سونداي-اق, بيىلعى جىلدىڭ ءبىرىنشى توقسانىندا 26,7 مىڭ نەكە جانە 8,8 مىڭ اجىراسۋ تىركەلگەن.
2024 جىلعى قانتار-ناۋرىزدا ەلگە كەلگەندەر سانى 7471 ادامدى, ەلدەن كەتكەندەر سانى 3785 ادامدى قۇرادى. وسىلايشا وڭ كوشى- قون ايىرىمى تىركەلدى – 3686 ادام. 2023 جىلعى ءتيىستى كەزەڭمەن سالىستىرعاندا قازاقستانعا كەلگەندەر سانى 2,7% ازايدى, ال كەتكەندەر سانى 42,1% ءوستى.
ەلدىڭ نەگىزگى كوشى-قون الماسۋى تمد مەملەكەتتەرىمەن ءجۇردى. تمد ەلدەرىنەن كەلگەندەردىڭ ۇلەسى 75,6%, ال وسى ەلدەرگە كەتكەندەردىڭ ۇلەسى 74,7% قۇرادى.
2023 جىلىمەن ءتيىستى كەزەڭمەن سالىستىرعاندا ەل ىشىندە كوشىپ كەلۋشىلەر سانى 2,2 ەسە ءوستى. وڭىرارالىق كوشى-قون بويىنشا ەلىمىزدىڭ 4 وڭىرىندە: استانا (15390 ادام), الماتى (9187 ادام), شىمكەنت (3536 ادام) قالالارىندا جانە الماتى وبلاسىندا (168 ادام) حالىقتىڭ كوشى-قونىنىڭ وڭ ايىرىمى قالىپتاستى.