اتىراۋدا مەرزىمدى قىزمەتتەگى سارباز اسكەري بولىمنەن قارۋ الىپ شىققان. ول ۇستالىپ, قاماۋعا الىندى, دەپ حابارلايدى Egemen.kz.
اتىراۋ وبلىستىق پوليتسيا دەپارتامەنتىنىڭ ءباسپاسوز قىزمەتىنەن ءمالىم ەتكەندەي, ۇستالعان سارباز ۋاقىتشا ۇستاۋ يزولياتورىنا قامالعان.
«باتىس وڭىرلىك اسكەري تەرگەۋ باسقارماسى اسكەري بولىمنەن قارۋ الىپ شىققان مەرزىمدى قىزمەتتەگى ساربازعا قاتىستى قىلمىستىق ءىس قوزعادى. كۇدىكتى ۇستالىپ, ۋاقىتشا ۇستاۋ يزولياتورىنا قامالدى», دەپ حابارلادى دەپارتامەنتتىڭ ءباسپاسوز قىزمەتى.
قازىر تەرگەۋ ءجۇرىپ جاتىر. وزگە اقپارات تەرگەۋ مۇددەسىنە سايكەس جاريالاۋعا جاتپايدى.