اباي وبلىستىق سوتىنىڭ قىلمىستىق ىستەر جونىندەگى سوت القاسى «جاس بالاعا قاتىستى ناپسىقۇمارلىق تۇرعىداعى زورلىق-زومبىلىق ءىس-ارەكەتتەرى» قر قىلمىستىق كودەكسىنىڭ 121-بابى بويىنشا سوتتالعان گ-نىڭ مۇددەسىن قورعايتىن ادۆوكاتتىڭ اپەللياتسيالىق شاعىمىن قارادى, دەپ حابارلايدى Egemen.kz وبلىستىق سوتتىڭ ءباسپاسوز قىزمەتىنە سىلتەمە جاساپ.
«گ. جاس جابىرلەنۋشىنىڭ دارمەنسىزدىگىن پايدالانىپ, ناپسىقۇمارلىق تۇرعىداعى زورلىق-زومبىلىق جاسادى», دەلىنگەن حابارلامادا.
ول سوتتا كىناسىن مويىندامادى, الايدا, ونىڭ ارەكەتتەرى قىلمىستىق ءىس ماتەريالدارىمەن, سوت-مەديتسينالىق ساراپتامالاردىڭ قورىتىندىلارىمەن, جابىرلەنۋشىنىڭ, ونىڭ وكىلدەرىنىڭ جانە كۋاگەرلەردىڭ ايعاقتارى بويىنشا دالەلدەندى.
«قىلمىستىق ىستەر جونىندەگى مامانداندىرىلعان اۋدانارالىق سوتپەن گ. كىنالى دەپ تانىلىپ, وعان قك-ءنىڭ 50-بابىنىڭ 2-بولىگى نەگىزىندە ءومىر بويى باس بوستاندىعىنان ايىرۋ جازاسى تاعايىندالىپ, كامەلەتكە تولماعاندارمەن جۇمىس ىستەۋگە بايلانىستى پەداگوگيكالىق لاۋازىمداردى اتقارۋعا تىيىم سالىنعان. اپەللياتسيالىق ساتى ۇكىمدى وزگەرىسسىز قالدىردى», دەپ حابارلادى سوتتىڭ ءباسپاسوز قىزمەتى.
ۇكىم زاڭدى كۇشىنە ەندى.