اتاعى ايعا جەتكەن ارىستان

وسىدان بىرنەشە جىل بۇ­رىن كەنشىلەر اس­تا­ناسىنداعى تات­تىم­بەت اتىنداعى ونەر كول­لەد­جىن تامامداعان ارىستان ءابىل­دين ونەر جولىنداعى ەڭ ۇلكەن تابى­سىنا قول جەتكىزگەن ەدى. دارىن­دى جاس اسا تانىمال «Slava Marlow & Morgenshtern» ەسىمدى انشىلەردىڭ «بىسترو» دەگەن تۋىن­دىسىن ورىنداپ, كاۆەردى 45 ميلليون ادام تىڭداعان. قارا­لىم­نىڭ ءباسى ارتقان قازىرگى ۋاقىت­تا بۇل دەگەنىڭىز سۇمدىق ناتي­جە. وسىنداي جەمىستى شى­عار­ما­شىلىق تابىسى ءۇشىن ول ەكى بىر­دەي پلاتينا ديسكىسىنە يە بولدى.

ءيا, ارىستاندى العاش «قا­زاق­ستاننىڭ 100 جاڭا ەسىمى» جەڭىمپازدارىنىڭ اراسىنان تانىعان ەدىك. جاس مۋزىكانت جازعان كاۆەر الەمدىك «Shazam»-عا ىلىككەن-ءدى. سونىمەن قاتار ول – تانىمال رەپەر «Jah Khalib» ۇيىمداستىرعان مۋزىكالىق بايقاۋدىڭ جەڭىمپازى. ايتا كەتەيىك, «مادەنيەت جانە سپورت» اتالىمىندا جەڭىسكە جەتكەن جاس دارىنعا 2 790 ۇمىتكەر قاتىسقان بايقاۋدا توپ جارۋ دا باعىمەن قاتار ەلەۋلى ەڭبەكتى قاجەت ەتەدى.

ونەرپازدار وتباسىندا وس­كەن ول مۋزىكاعا بالا كەزى­نەن اۋەس­تەنگەن. اكەسى مۋزىكا مەكتەبىنىڭ ديرەكتورى بولسا, اناسى – حور جەتەك­شىسى. بەس جاسىنان باستاپ فورتە­پيانو مەن باراباندا ويناي باستاپتى. اتا-اناسى مۋزىكانت بولعان سوڭ پەرزەنتىنىڭ ونەر­دەن الىس كەتپەۋى زاڭدىلىق شىعار.

جاستايىنان ومىرلىك جولىن ايقىنداعان ارىستان ءوز شىعارماشىلىعى تۋرالى: «ال­عاشقى اۆتورلىق ءانىمدى سۇيىك­­تى قىزىما ارناعان ەدىم. ونى الەۋمەتتىك جەلى قولدا­نۋ­شىلارى جوعارى باعالاپ, مۋ­زىكامەن ماقساتتى تۇردە اي­نا­لىسۋىما جىگەر بەردى. بۇل مەنى جاڭا شىعارمالار جازۋعا شابىتتاندىردى»,  دەيدى.

Colorit لاقاپ اتىمەن ونەر كورسەتەتىن ونەرپاز TikTok جانە Instagram الەۋمەتتىك جەلى­لەرىندە تانىمالدىلىققا يە بول­دى. ول وتاندىق, رەسەيلىك, شەتەل­دىك ار­تىستەردىڭ اندەرىنە كاۆەر جازادى. ونىڭ روليكتەرى ميل­ليون قارالىمعا جەتىپ, جان­­كۇيەر سانى كۇن ساناپ ارتىپ كەلەدى. ول جازعان شەتەلدىك اۋەندەر نۇسقاسىنا ەگور كريد, كلاۆا كوكا باسقا دا تانىمال ارتىستەر بەي­نە­كورىنىس ءتۇسىرىپ ءجۇر.

وسىنداي ناتيجەدەن سوڭ جاس ورەننىڭ تاراپىنا تانىمال رەسەيلىك Black Star جانە Sony Music لەيبلدان ۇسىنىستار تۇسكەن. قازىر مۋزىكانت Zivert, Feduk, يۆان دورندى ناسيحاتتاۋ­مەن اينالىساتىن P.M.I. Music مۋزىكالىق ۇيىمىمەن كەلىسىم­شارتقا وتىردى. شاعىن جەكە البومى دا جارىققا شىقتى.

ء«بىزدىڭ كومپانيا ارىپتەستىك ورناتقان رەسەيلىك بىرلەستىك يۆان دورن, زيۆەرت, فيليپپ كير­­­كوروۆ سياقتى تانىمال ورىن­داۋ­شىلارمەن جۇمىس ىستەي­دى. وسى مۇمكىندىكتى پايدالا­نىپ كوپتەگەن جاڭا حيتتەر شىعا­رامىز دەپ ۇمىتتەنەمىن», دەيدى مۋزىكانت.

ارىستاننىڭ الەۋمەتتىك جەلىلەردىڭ مۋزىكا الاڭىنداعى كورسەتكىشىنە تاعى ءبىر توقتالساق, «Slava Marlow & Morgenshtern» ايتاتىن «بىسترو» ترەگى رەسمي تۇردە پايدا بولعاننان كەيىن VK مەن Apple Music چارتتارىندا عانا ەمەس, سونىمەن قاتار Shazam الەمدىك توپ-چارتىندا جەتەكشى ورىنعا يە بولعان ەدى. ول Dua Lipa مەن Billie Eillish-تەن دە وزىپ ءتۇستى. وسىلايشا, ترەك رەسەيلىك جانە قازاقستاندىق TikTok-تاعى ترەندكە اينالىپ ۇلگەردى. ال كاۆەر ءتورت ميل­ليون­نان اسا رەت قارالىپ, وعان 190 مىڭ بەينەكورىنىس ءتۇسىرىل­دى. مۋزىكانتتىڭ وكىلدەرى بۇ­نىڭ TikTok-تاعى ەڭ تانىمال قازاقستاندىق ترەك ەكەنىن مالىم­دەگەن ەدى. كاۆەرگە ولەڭ اۆتورى Slava Marlow دا ءوز باعاسىن بەردى.

ادامدى العا جەتەلەيتىن – ارمان. جاستايىنان تولاعاي تابىسقا جەتكەن ارىستان الەمدىك ساحنالاردا ءان سالىپ, شى­­­­­­عار­ماشىلىق يەسىنە اينا­لۋدى ارماندايدى. جاس تالانتتىڭ ارمانى مەن الار بيىگى الاسارماسىن دەيمىز.

ونەر يەسى بۇگىنگى تاڭدا دا شىعارماشىلىقپەن قىزۋ اينالىسىپ ءجۇر. ەسكە سالساق, ارىس­­تان تالاي حالىقارالىق مۋزى­كا­لىق بايقاۋدا باق سىناپ, وزا شاپقان ەدى. بىرنەشە رەت اقش, فرانتسيا, گەرمانيا, انگليا سىندى مەملەكەتتەردەن قاتىس­قان مۋزىكانتتاردى شاڭ قاپتىرعان. الداعى ۋاقىتتا دا الەمدىك ارەنادا قازاق ەلىنىڭ اتىن شىعارادى دەپ سەنەمىز.

بۇگىندە اتاعى ايعا ۇشقان ارىستاننىڭ شىعارماشىلىق جولىندا «100 جاڭا ەسىم» جوبا­سىنىڭ ورنى ەلەۋلى ەكەنى داۋسىز. وسىنداي جالپىحالىقتىق دودالاردا كوپ اراسىنان اتى وزىپ, جەڭىپ شىققان تارلاندار بولاشاقتا ەلدىڭ جان-جاقتى دامۋىنا قوماقتى ۇلەس قوساتىنى حاق. ەگەمەن ەلدىڭ ۇرپاقتارى, اسىرەسە ونەر سالاسىندا, كەيىنگى جىلدارى الەۋمەتتىك جەلىلەردە العاۋسىز اتاققا يە بولىپ, شە­تەل­دىك تىڭدارماننىڭ دا سۇيىك­­­تىسىنە اينالىپ ۇلگەرىپ جاتىر. بۇل دا تاۋەلسىزدىك ۇرپاق­تا­رى­نىڭ جاڭا كەزەڭى, جاڭا كەلبە­تى بولسا كەرەك.