ىشكى ىستەر ورگاندارى ادامدار كوپ جينالاتىن وبەكتىلەردى تەكسەرۋدى جالعاستىرىپ جاتىر. ءىىم تەرروريستىك تۇرعىدان وسال وبەكتىلەردىڭ تەرروريزمگە قارسى قورعالۋىن تەكسەرۋدى جالعاستىرىپ كەلەدى, دەپ حابارلايدى Egemen.kz.
رolisia.kz مالىمەتىنشە, ايماقتىق تىزىمدەرگە تەرروريستىك تۇرعىدان وسال ساناتقا 17 مىڭنان استام نىسان ەنگىزىلدى. جىل باستالعالى بەرى 1 804 نىسان تەكسەرىلدى. ونىڭ ىشىندە ويىن-ساۋىق ورتالىقتارى, ءىرى ساۋدا جانە قوعامدىق تاماقتانۋ ورىندارى, ءبىلىم بەرۋ ۇيىمدارى بار. تەكسەرۋ ناتيجەسىندە زاڭنامادا بەلگىلەنگەن قاۋىپسىزدىك تالاپتارىن بۇزۋدىڭ 581 دەرەگى انىقتالدى.
كەمشىلىكتەر العاش رەت انىقتالعان وبەكتىلەردىڭ باسشىلارىنا جانە مەنشىك يەلەرىنە ناقتى ۋاقىتتىڭ كورسەتىلۋىمەن ولاردى جويۋ تۋرالى نۇسقامالار بەرىلدى.
سونىمەن قاتار سەنىپ تاپسىرىلعان وبەكتىنىڭ تەرروريزمگە قارسى قورعالۋىن قامتاماسىز ەتۋ جونىندەگى تالاپتاردى بىرنەشە رەت بۇزعاندارعا اقبتك-ءنىڭ 149-بابى بويىنشا 180 اكىمشىلىك ماتەريال تولتىرىلعان, 48 ملن تەڭگە كولەمىندە ايىپپۇل سالىنعان.
«تەكسەرۋلەر كەمشىلىكتەردى انىقتاۋمەن عانا شەكتەلمەيدى. پوليتسيا قىزمەتكەرلەرى مەكەمە پەرسونالىنىڭ, سونداي-اق كۇزەت قىزمەتىنىڭ توتەنشە جاعدايلارداعى ءىس-قيمىلدارى تۋرالى داعدىلارىنىڭ دەڭگەيىن انىقتاپ, ولارعا ساباق وتكىزەدى. مۇنداي ءتۇسىندىرۋ جۇمىستارىمەن 40 مىڭعا جۋىق قىزمەتكەر قامتىلدى», دەدى ۆەدومستۆو وكىلدەرى.