وتاندىق وندىرۋشىلەر ءۇشىن ساتىپ الۋ ەرەجەلەرى جەتىلدىرىلدى

اتاپ ايتقاندا, وتاندىق وندىرۋشىلەر ءۇشىن ساتىپ الۋ ۇدەرىسىن جەڭىلدەتۋگە باعىتتالعان وزگەرىستەر ەنگىزىلدى.

قابىلدانعان شارالاردىڭ ىشىندە وتاندىق تاۋارلاردى ساتىپ الۋ بويىنشا مىندەتتەمەلەردى ورىنداماعان جاعدايدا قۇرىلىس-مونتاجداۋ جۇمىستارىنىڭ مەردىگەرلەرى ءۇشىن جاۋاپكەرشىلىك كۇشەيتىلدى, سونداي-اق قور كومپانيالار توبى ساتىپ الاتىن جۇمىستار مەن قىزمەتتەردى جەتكىزۋشىلەرگە جەرگىلىكتى وندىرۋشىلەردەن تاۋارلاردى ساتىپ الۋ مىندەتتەلدى.

Skstore.kz ەلەكتروندىق دۇكەن ارقىلى شەكتى ساتىپ الۋ سوماسى 4 مىڭنان 20 مىڭ اەك-كە دەيىن (74 ملن تەڭگە) ۇلعايتىلدى, بۇل شاعىن جانە ورتا بيزنەستىڭ قوردىڭ ساتىپ الۋ قىزمەتتەرىنە قولجەتىمدىلىگىن جەڭىلدەتە تۇسەدى.

سونىمەن قاتار بىرقاتار پروتسەستەردى اۆتوماتتاندىرۋدىڭ ارقاسىندا جەتكىزۋشىلەردىڭ قوردى ساتىپ الۋ قىزمەتىنە قاتىسۋ ءراسىمى جەڭىلدەتىلدى. ياعني, تەحنيكالىق سيپاتتامالار, ەلەكتروندىق شوت-فاكتۋرالار, تەندەرلىك ءوتىنىمدى قامتاماسىز ەتۋ جانە تاعى باسقا پروتسەستەر كىرەدى.

سونداي-اق جاڭا وندىرىستەر قۇرۋ جونىندەگى باعدارلامانىڭ جاڭا ادىستەرى تالقىلاندى, باعدارلاما ىشكى نارىقتا ءونىم تاپشىلىعى بولعان كەزدە 20 جىلعا دەيىنگى مەرزىمگە وفتەيك-شارتتار جاساسۋ مۇمكىندىگىن كوزدەيدى.

يمپورتتى الماستىرۋعا ارنالعان تاۋارلار پۋلى جالپى سوماسى 966 ملرد تەڭگە بولاتىن 7 754 پوزيتسياعا دەيىن كەڭەيتىلدى.

«بۇل رەتتە, كەلىسىمشارت جاساسۋ كەزىندە وندىرۋشىلەرگە, ونىڭ ىشىندە ءىرى كاسىپورىندارعا ءوز ءوندىرىسىنىڭ اينالاسىندا شاعىن بيزنەس بەلدەۋىن قۇرۋ جونىندەگى مىندەتتەمەلەر بەلگىلەۋ مۇمكىندىگى كوزدەلگەن», دەدى قوردىڭ قۇقىقتىق سۇيەمەلدەۋ, قامتاماسىز ەتۋ جانە تاۋەكەلدەر جونىندەگى باسقارۋشى ديرەكتورى نيكولاي كازۋتين.

ايتا كەتەيىك, قولدانىستاعى باعدارلاما اياسىندا 2018-2024 جىلدارى قوردىڭ جاسالعان وفتەيك-كەلىسىمشارتتارىنىڭ سانى 531 قۇرادى, جالپى سوماسى - 128,5 ملرد تەڭگە.

بيىل پورتفەلدىك كومپانيالاردىڭ باسشىلارى ءۇشىن وفتەيك-كەلىسىمشارتتاردىڭ ۇلەسىن ساتىپ الۋ قىزمەتتەرىنىڭ جالپى كولەمىنەن 10% كەم تۇسپەيتىن دەڭگەيدە ۇلعايتۋ بويىنشا پايدالى اسەر كوەففيتسيەنتى (پاك) بەلگىلەندى.