مەملەكەت باسشىسى قاسىم-جومارت توقاەۆ «تازا قازاقستان» رەسپۋبليكالىق ەكولوگيالىق اكتسياسى اياسىندا ۇيىمداستىرىلعان جالپىقالالىق سەنبىلىككە قاتىسىپ, ەلورداداعى « ۇلىتاۋ» اللەياسىندا اعاش وتىرعىزدى, دەپ حابارلايدى Egemen.kz اقوردانىڭ ءباسپاسوز قىزمەتىنە سىلتەمە جاساپ.
پرەزيدەنتپەن بىرگە سەنبىلىككە ۆولونتەرلەر, «اسسامبلەيا جاستارى» ۇيىمىنىڭ وكىلدەرى, ەلىمىزدىڭ عىلىم, كرەاتيۆتى يندۋستريا, مادەنيەت, سپورت سالالارىنداعى بەلسەندى جاستار جانە الداعى V دۇنيەجۇزىلىك كوشپەندىلەر ويىندارىنا قاتىسۋشىلار, پرەزيدەنتتىك جاستار كادر رەزەرۆىنىڭ مۇشەلەرى اتسالىسىپ, جوكە اعاشىنىڭ 430 ءتۇپ كوشەتىن ەكتى.