«قازگيدرومەت» رمك 27-29 ساۋىرگە ارنالعان اۋا رايى بولجامىن جاريالادى, دەپ حابارلايدى Egemen.kz.
سينوپتيكتەردىڭ بولجامىنا قاراعاندا, ەلىمىزدە تۇراقسىز اۋا رايى ساقتالادى.
«27 ساۋىردە ەلدىڭ باسىم بولىگى جوعارى اتموسفەرالىق قىسىم القابىنىڭ ىقپالىندا بولادى. جاۋىن-شاشىنسىز اۋا رايى كۇتىلەدى. 28-29 ساۋىردە اتموسفەرالىق فرونتالدى بولىكتەردىڭ اسەرىنەن قازاقستاننىڭ باسىم بولىگىندە جاڭبىر جاۋىپ, نايزاعاي وينايدى. 28 ساۋىردە وڭتۇستىكتە, 29 ساۋىردە سولتۇستىك-باتىستا جانە سولتۇستىكتە قاتتى جاڭبىر جاۋادى. بۇرشاق جاۋى مۇمكىن. 29 ساۋىردە تۇندە رەسپۋبليكانىڭ وڭتۇستىك-شىعىسىنداعى تاۋلى ايماقتاردا جاڭبىر مەن قار جاۋادى», دەلىنگەن حابارلامادا.
قازاقستان بويىنشا جەل كۇشەيەدى, وڭتۇستىكتە جانە وڭتۇستىك-باتىستا شاڭدى داۋىل سوعادى دەپ بولجانىپ وتىر. تەمپەراتۋرالىق فونعا كەلەتىن بولساق, كۇندىزگى تەمپەراتۋرا بىرتىندەپ جوعارىلايدى. الايدا 27-28 ساۋىردە تۇندە ەلىمىزدىڭ سولتۇستىك جارتىسىندا تەرمومەترلەر 1-8 گرادۋس ايازعا دەيىن جەتەدى.