كوكتەمگى كوگالداندىرۋ ناۋقانىنان قانىش قالاسىنداعى ءدىن وكىلدەرى دە شەت قالمادى.
قالانىڭ جەڭىس ساياباعى وسىدان ەكى-ءۇش جىل بۇرىن جاڭارتىلعان ەدى. دەگەنمەن, مۇندا ءالى دە بولسا بوس جاتقان الاڭقايلار بار. سونداي الاڭقايدىڭ بىرىنە قالاداعى رەسمي تىركەۋدە تۇرعان 9 ءدىني بىرلەستىك وكىلدەرى شيە اعاشتارىن وتىرعىزدى.
«ەلىمىزدە ءجۇرىپ جاتقان «تازا قازاقستان» اكتسياسى اياسىندا جاس شىبىقتار ەگۋ تۋرالى ۇسىنىسىمىز قالاداعى ءدىني بىرلەستىكتەر تاراپىنان قولداۋ تاپتى. ولار جاس شىبىقتاردى ەگۋمەن بىرگە ولاردى سۋعارۋ, ياعني, كۇتىم جاساۋدى دا ءوز مويىندارىنا الىپ وتىر», دەيدى ساتباەۆ قالاسىنىڭ ءدىن سۇراقتارى بويىنشا اقپاراتتىق جانە كەڭەس بەرۋ ورتالىعىنىڭ ديرەكتورى مانات ايتباەۆ.
ءدىنى بولەك بولعانىمەن ءدىڭى ءبىر ءدىني بىرلەستىكتەردىڭ اينالانى اباتتاندىرۋ, كوگالداندىرۋ ىسىندە دە كوپشىلىككە ۇلگى بولا بىلگەندەرى شىنىندا دا سۇيسىنەرلىك شارۋا.
ۇلىتاۋ وبلىسى,
ساتباەۆ قالاسى