حالىق سانىنىڭ ءوسۋى مەن قالا قۇرىلىسى ينفراقۇرىلىمىنىڭ بەلسەندى دامۋىنا بايلانىستى, اكىمشىلىك-اۋماقتىق باسقارۋدى وڭتايلاندىرۋ ماقساتىندا استانا قالاسىندا الماتى اۋدانى ەكى ءبولىنىپ, قايتا قۇرىلادى. سونداي-اق وسى تالاپ شەڭبەرىندە جاڭا اكىمىشىلىك اۋدان قۇرىلادى, دەپ جازادى Egemen.kz.
بۇعان دەيىن استانا اۋماعى مەن قالاداعى حالىق سانىنىڭ جىلدىق ءوسۋ كورسەتكىشىن ەسكەرگەن ءماسليحات دەپۋتاتى ەرلان قاناليموۆ ەلوردادا التىنشى اۋدان قۇرۋ ماسەلەسىن كوتەرگەن ەدى.
ۇسىنىس قابىلدانىپ, باس قالادا جاڭا اۋدان قۇرۋ شەشىمى قابىلداندى.
«جوعارىدا ايتىلعاندارعا سايكەس, اتالعان اۋداندى ەكى بولىككە ءبولۋ ۇسىنىلادى. ءوزىنىڭ تاريحي اتاۋىن ساقتايتىن – الماتى اۋدانىنىڭ اۋدانى 8 518 گا قۇرايدى. ال جاڭا اكىمشىلىك اۋداننىڭ اۋماعى 6 953 گا بولادى», دەلىنگەن استانا قالاسى اكىمدىگىنىڭ حابارلاماسىندا.
قۇجات جوباسى جاريا تالقىلاۋ ءۇشىن اشىق نقا پورتالىندا ورنالاستىرىلعان.