قازاقستان حالقى اسسامبلەياسىنىڭ «بىرلىك. جاسامپازدىق. ورلەۋ» اتتى ءحححىىى سەسسياسى ەلدە جانە الەمدە بولىپ جاتقان جاعدايلاردىڭ اياسىندا ماڭىزدى ساياسي وقيعاعا اينالدى. ونلاين فورماتتا وتكەن سەسسيا ەلدىڭ ىشكى جانە سىرتقى ساياساتىنىڭ كوپتەگەن وزەكتى ماسەلەسىنە تولىق ءارى ناقتى جاۋاپ بەردى.
سەسسيادا بۇكىل قوعامدى – قۇتقارۋشىلار مەن ەرىكتىلەردى, مەملەكەتتىك قىزمەتشىلەر مەن بيزنەس وكىلدەرىن, ازاماتتىق بەلسەندىلەرى مەن ەلىمىزدىڭ بارلىق ءوڭىر جاستارىن بىرىكتىرۋ ماسەلەسىنە باسا نازار اۋدارىلدى.
سۋ تاسقىنىمەن كۇرەسكە قوعام بەلسەندىلەرى زور ۇلەس قوستى. ەرىكتىلەر زارداپ شەككەندەرگە جاردەم بەرىپ, گۋمانيتارلىق كومەك جيناۋ ءىسىن ۇيىمداستىرىپ جاتىر. بۇل – وتانداستارىمىزدىڭ اۋىزبىرلىگى مەن ازاماتتىق جاۋاپكەرشىلىگىنىڭ ايقىن كورىنىسى. ەڭ باستىسى, پرەزيدەنت زارداپ شەككەندەردىڭ بارلىعىنا كەلتىرىلگەن زالال وتەلىپ, بۇل قيىندىقپەن ەشكىم جالعىز قالمايتىندىعىنا سەندىرىپ وتىر. ول ءۇشىن ەلىمىزدە بيۋدجەت شىعىستارى قىسقارتىلىپ, قاراجاتتى ۇنەمدەۋدىڭ قاتاڭ رەجىمى ەنگىزىلەدى. ەل تۇرعىندارىنىڭ قالىپتى ومىرگە مۇمكىندىگىنشە تەزىرەك ورالۋى ءۇشىن مەملەكەت ءبارىن جاسايدى.
الەكساندر ۋرماشوۆ,
قاراعاندى وبلىسى «اسسامبلەيا جاستارى» ۇيىمى وكىلدىگىنىڭ توراعاسى