سۋ سالاسى ماماندارى دايارلانادى

مينيسترلىكتىڭ مالى­مە­تىنە سۇيەنسەك, قازاقستاندا سۋ سالاسى ماماندارىن دايارلاۋ جەلى­سىن كەڭەيتۋ جوسپارلانىپ جاتىر. بۇگىنگى تاڭدا بۇل باعىتتا ەلى­­مىزدىڭ ءتورت ماكرووڭىرى تاڭ­دالدى. وندا ەكونوميكا سالالارى بو­يىنشا, ونىڭ ىشىندە سۋ سالاسىنىڭ بولاشاق ماماندارىن دايارلايتىن تىرەك كوللەدجدەر قۇرىلادى.

2024-2025 جىلدارى «سۋ­مەن جابدىقتاۋ جانە سۋ بۇرۋ جۇيە­لە­رىنىڭ تازارتۋ قۇرى­لىس­تارىن پايدالانۋ», «گيدرو­تەح­ني­كالىق مەليوراتسيا» جانە «گيدرو­تەحنيكالىق قۇرىلىس» جانە ت. ب. ماماندىقتار بويىنشا تەحنيكا­لىق جانە كاسىپتىك ءبىلىم بەرۋدە مەملەكەتتىك ءبىلىم بەرۋ تاپسىرىسىن ۇلعايتۋ جوسپارلانىپ وتىر.

تەحنيكالىق جانە كاسىپتىك ءبىلىم دەپارتامەنتىنىڭ ديرەكتورى اسەت مۇحانبەتوۆ وسى ماسەلەگە قاتىستى جاساعان مالىمدەمەسىندە: «وڭتۇستىك ماكرووڭىردەگى تەحنيكالىق جانە كاسىپتىك ءبىلىم بەرۋدىڭ باس تىرەك ۇيىمى رەتىندە شىمكەنت قالاسىنداعى ماناپ وتەباەۆ اتىنداعى جاڭا تەحنولوگيالار جوعارى كوللەدجى تاڭدالدى. مۇندا «سۋمەن جابدىقتاۋ جانە سۋ بۇرۋ جۇيەلەرىنىڭ تازار­تۋ قۇرىلىستارىن پايدالانۋ» ما­ماندىعى بويىنشا كادر­لار دايار­لانادى. ستۋدەنتتەرگە ون­دى­رىستىك پراكتيكادان ءوتۋ مۇم­كىندىگى بەرىلەدى, ال ارنايى پان­دەر پەداگوگتەرى مەن وندى­رىس­­تىك وقىتۋ شەبەرلەرى ءۇشىن بىلىك­­تىلىكتى ارتتىرۋ كۋرستارىن وتكىزۋ جوسپارلانعان. سونداي-اق وندىرىستەن ماماندار تارتۋدى جوس­پارلاپ وتىرمىز», دەدى.

قازىر نەگىزىنەن ەلىمىزدەگى بەس كوللەدج سۋ سالاسىنىڭ ماماندارىن دايارلايدى. ي.ابدىكارىموۆ اتىنداعى قىزىلوردا اگرارلىق-تەحنيكالىق جوعارى كوللەدجى, ماقتاارال اگرارلىق كوللەدجى, تۇلك­ى­باس اگروبيزنەس جانە ­تۋ­ريزم كوللەدجى, ۇشقوڭىر سۋ شارۋاشىلىعى كوللەدجى جانە ماناپ وتەباەۆ اتىنداعى ج­ا­ڭا تەحنولوگيالار جوعارى كول­لەدجىندە گيدروگەولوگيا سالا­سى­نىڭ 300-گە جۋىق بولاشاق مامانى وقيدى جانە ولاردىڭ 90%-ى مەملەكەتتىك ءبىلىم بەرۋ تاپسىرىسى بويىنشا ءبىلىم ­الادى.