اقتاۋ قالاسىنداعى ىقشاماۋدانداردىڭ بىرىندە ىشىمدىك ىشكەن تۇرعىن وزگەنىڭ كولىگىن كۇشپەن تەپكىلەگەن. كۋاگەرلەر ونىڭ ارەكەتىن ۆيدەوعا ءتۇسىرىپ العان. قالالىق پوليتسيا باسقارماسى وقيعاعا قاتىستى تۇسىنىكتەمە بەردى, دەپ جازادى Egemen.kz.
جەلىدە تاراعان ۆيدەو كادرلارىندا ەر ادامنىڭ ويىن الاڭىندا الكوگولدىك ىشىمدىك ءىشىپ, كەيىن جاقىن جەردە تۇرعان كولىككە سەكىرىپ, ونى كۇشپەن تەۋىپ, زات لاقتىرىپ, كەيىن قاشىپ كەتكەنىن بايقاۋعا بولادى.
Lada.kz سايتىنىڭ جازۋىنشا, ورەسكەل ارەكەت 23 ءساۋىر كۇنى ساعات 07:00-دە جاسالعان. ەر ادامنىڭ جەكە باسى دا انىقتالدى.
ء«تارتىپ ساقشىلارى قۇقىق بۇزۋشىنى انىقتادى, ونىڭ ۇستىنەن قر اقبتك-ءنىڭ 437-بابىنىڭ 1-بولىگى (تىنىشتىقتى بۇزۋ) بويىنشا حاتتاما تولتىرىلدى», دەلىنگەن دەپارتامەنت حابارلاماسىندا.