پەتروپاۆل قالاسىندا جەكە ءۇيدى بۇزۋ بارىسىندا 49 جاستاعى ەر ادامنىڭ ۇستىنە قابىرعا قۇلاعان. زارداپ شەگۋشى وقيعا ورنىندا كوز جۇمدى, دەپ حابارلايدى Egemen.kz.
قايعىلى وقيعا كەشە, 23 ءساۋىر كۇنى بولعان. پوليتسيا قىزمەتكەرلەرى پارتيزانسكايا كوشەسىندە بولعان جازاتايىم وقيعا تۋرالى ساعات 15:00-دە حابار العان.
«ول وقيعا ورنىندا قازا بولدى», دەلىنگەن وبلىستىق پوليتسيا دەپارتامەنتى تاراتقان حابارلامادا.
ۆەدومستۆونىڭ ءباسپاسوز حاتشىسى اتالعان دەرەك «تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بابى بويىنشا سوتالدى تەرگەپ-تەكسەرۋدىڭ بىرىڭعاي تىزىلىمىنە ەنگىزىلگەنىن قوسا حابارلادى.