استانادا «Tayelsiz Qazaqstannyn Halyq Batyrlary» قوعامدىق بىرلەستىگىنىڭ «حالىق باتىرلارى» رەسپۋبليكالىق الەۋمەتتىك-پاتريوتتىق جۋرنالىنىڭ تۇساۋكەسەرى ءوتتى.
پاتريوتيزم – وتباسىنان باستاپ قورشاعان ورتاعا, تۋعان جەرگە, ونىڭ تاريحىنا, مادەنيەتىنە, وندا مەكەندەيتىن حالىققا دەگەن سۇيىسپەنشىلىك سەزىمىنەن باستالادى. وتانشىل ازاماتتاردى تاربيەلەۋ, ەلى مەن جەرىن قورعايتىن ۇرپاق قالىپتاستىرۋ – مەملەكەتتىك ساياساتتىڭ ءبىر باعىتى, ەلىمىزدىڭ كەلەشەكتە تۇراقتى دامۋىنىڭ كەپىلى. وسى ورايدا «Tayelsiz Qazaqstannyn Halyq Batyrlarۋ» قوعامدىق بىرلەستىگى دە وسكەلەڭ ۇرپاقتىڭ تاربيەسىنە ەرەكشە كوڭىل ءبولىپ, زامان تالابىنا ساي ازامات بولىپ وسۋىنە اتسالىسىپ كەلەدى. بۇل رەتتە حالىق قاھارماندارىنىڭ, باتىرلارىنىڭ, وزىق ويلى, ەلگە سىيلى ازاماتتارىنىڭ باسىن قوسۋ ارقىلى ەڭبەك ەتۋى قوعام مۇددەسىمەن تولىق سايكەس كەلەدى.
«حالىق باتىرلارى» رەسپۋبليكالىق الەۋمەتتىك-پاتريوتتىق جۋرنالىنىڭ ومىرگە كەلۋى دە وسىنداي ۇلكەن ماقساتتاردان تۋعان قادام. ەلوردامىزداعى قارۋلى كۇشتەردىڭ مەملەكەتتىك اسكەري-تاريحي مۇراجايىندا وتكەن سالتاناتتى ءىس-شاراعا بەلگىلى مەملەكەت جانە قوعام قايراتكەرلەرى, قورعانىس مينيسترلىگىنىڭ وكىلدەرى قاتىستى.
«Tayelsiz Qazaqstannyn Halyq Batyrlarۋ» قوعامدىق بىرلەستىگىنىڭ توراعاسى باقىتجان ەرتاەۆ جاڭا مەرزىمدى باسىلىم باتىرلار مەن وسكەلەڭ ۇرپاق اراسىنداعى التىن كوپىر ءرولىن اتقاراتىنىن اتاپ ءوتتى.
– جۋرنالدى اشۋ كوپتەن ويدا جۇرگەن جوسپار ەدى. ءبىز كوپتەگەن كونفەرەنتسيا, ءىس-شارا, كەزدەسۋ وتكىزەمىز. بۇل ءىس-شارالار سول مەزگىلدە عانا بەلگىلى ءبىر اۋماقتا باق-تا جارىق كورەدى دە, ۇمىتىلا باستايدى. كوبى حالىقتىڭ نازارىنان تىس قالادى. ەل تۇرعىندارى, اسىرەسە جاستار قاھارماندارىن, باتىرلارىن, قۇرمەتتى ازاماتتارىن, تانىمال تۇلعالارىن جانە ولاردىڭ وزىق ويلارىن, قاجىرلى ەڭبەكتەرىن بىلۋگە ءتيىس. ولاردان ەلىن, جەرىن ءسۇيۋدى, ءتارتىپتى, ەڭبەك ەتۋدى ۇيرەنۋى كەرەك. سوندىقتان كوپ ويلانىپ, اقىلداسا كەلە وسى جۋرنالدى شىعارۋدى قولعا الدىق. نەگىزگى ماقساتىمىز – جاستارىمىزعا, وسكەلەڭ ۇرپاققا ەلىمىزدىڭ سىيلى ازاماتتارىن, باتىرلارىن ۇلگى ەتۋ, – دەدى ول.
حالىق قاھارمانى قازىرگى تاڭدا جاس ۇرپاقتى پاتريوتتىق رۋحتا تاربيەلەۋ ارداگەرلەر قوزعالىسىنىڭ باستى باعىتتارىنىڭ ءبىرى ەكەنىن اتاپ ءوتتى. «ەگەمەندىكتەن بۇگىنگى كۇنگە دەيىن «حالىق قاھارمانى» اتاعىن العاندار سانى – 34, «ەڭبەك ەرى» اتاعىن العاندار – 48. ونىڭ ىشىندە «حالىق قاھارمانى» اتاعىن العان 11 ادام جانە «ەڭبەك ەرى» اتاعىن العان 37 ادام ورتامىزدا, قوعامدىق بىرلەستىكتىڭ مۇشەلەرى. ءبىزدىڭ قوعامدىق بىرلەستىگىمىزدىڭ ماقساتى – وسى جوعارى اتاقتاردى العان ادامداردىڭ ەرلىك ىستەرىن ناسيحاتتاۋ, ۇلتتىق تاريحي مادەنيەتتى قالىپتاستىرۋ ءۇشىن قوعام مەن مەملەكەتتىڭ كۇش-جىگەرىن بىرىكتىرۋ, ۇلتتىق جادىمىزدى ساقتاۋ», دەدى باقىتجان ەرتاەۆ.
جاڭا جۋرنالدىڭ العاشقى ءنومىرى وقىرمانعا جول تارتتى. تارالىمى مىڭ دانانى قۇرايتىن ءتۇرلى-ءتۇستى مەرزىمدى باسىلىم توقسانىنا ءبىر رەت شىعىپ تۇرماق. مەملەكەتتىك جانە رەسمي تىلدە جارىق كورەتىن جۋرنالدا الەۋمەتتىك, عىلىمي ماسەلەلەر, جاستارعا پاتريوتتىق تاربيە بەرۋ, ەلگە قىزمەت ەتىپ جۇرگەن ەڭبەك ادامدارى جايىندا ماتەريالدار جاريالانادى.