ءتورت ت ۇلىك قاۋىپسىز ورىسكە شىعارىلدى

الايدا ماحامبەت اۋدانى اكىمدىگىنىڭ مالىمەتىنشە, جىل سايىن جايىق وزەنىنىڭ جايىلماسىنا 9 مامىردان بۇرىن سۋ شىقپايتىن ەدى. بيىل قارعىن سۋ ادەتتەگىدەن ەكى اپتا بۇرىن كەلدى. قازىر جايىق وزەنىنەن تولەپ-قاراسۋ, قورجىن, الماعامبەت, ولىشىعاناق, گاگۋشكين, قىزىلجار, 8-اۋىل, 9-اۋىل, 12-اۋىل, 13-اۋىل, 15-اۋىل, پەترۋشكين, قاراشىعاناق, كىشىقاراشىعاناق, باقساي, گلۋحوي جانە سبورنىي جايىلماسىنا قارعىن سۋ جايىلدى. وسىعان بايلانىستى, قاۋىپسىز اۋماقتاردىڭ مارشرۋتى مەن كارتاسى ازىرلەنگەنىن ماحامبەت اۋداندىق كاسىپكەرلىك جانە اۋىل شارۋاشىلىعى ءبولىمىنىڭ باسشىسى ولجاس مىرزاباەۆ اتاپ ءوتتى. بۇل رەتتە اۋىلدىق وكرۋگ اكىمدەرى, اۋداندىق جەر قاتىناستارى ءبولىمى جانە اۋىل اقساقالدارىنىڭ كەڭەسى ەسكەرىلگەن.

«قازىر بۇل اۋداندا 50 مىڭعا جۋىق مال بار. جەكە يەلىكتەگى مالدى شىعارۋ ءۇشىن 17 قاۋىپسىز اۋماق بەلگىلەندى. قاۋىپتى اۋماقتاردا كوكتەمگى ەگىس جۇمىستارىمەن اينالىساتىن 46 شارۋا قوجالىعىنىڭ باسشىلارىنا الدىن الا ەسكەرتىلدى. قاۋىپسىز اۋماقتارعا 4 مىڭنان استام مال ايدالدى», دەيدى و.مىرزاباەۆ.

يندەر اۋدانىندا دا جەكە يەلىكتەگى ءتورت ت ۇلىكتى قاۋىپسىز اۋماققا كوشىرۋ جالعاسىپ جاتىر. اۋداندىق اۋىل شارۋاشىلىعى ءبولىمىنىڭ باس مامانى اباي ءابدىروۆتىڭ دەرەگىنە سۇيەنسەك, بۇل جۇمىستى اۋىلدىق وكرۋگتەر اكىمدىگىنىڭ ماماندارى ۇيلەستىرىپ وتىر. وسى كەزگە دەيىن ارنايى بەلگىلەنگەن قاۋىپسىز ورىندارعا 5 مىڭنان اسا قوي-ەشكى, 1 700 ءىرى قارا شىعارىلدى.

اتىراۋ وبلىسى