اقتوبەگە تاعى ءبىر گۋمانيتارلىق جۇك جەتتى. بۇل جولى ەلدەگى سۋ تاسقىنىنان زارداپ شەككەندەرگە باۋىرلاس تاجىكستان حالقى قولداۋ كورسەتتى, دەپ حابارلايدى Egemen.kz.
وبلىس اكىمدىگىنىڭ ءباسپاسوز قىزمەتى كورشى مەملەكەت ءتۇرلى قۇرىلىس ماتەريالدارى تيەلگەن بىرنەشە ۆاگون جونەلتكەنىن حابارلادى.
تاجىكستان ۇكىمەتى ەلىمىزدىڭ توعىز وڭىرىندە بولعان تابيعي اپاتتان زارداپ شەككەن تۇرعىندارعا 50 ۆاگون گۋمانيتارلىق كومەك جىبەردى. جۇكتىڭ جالپى سالماعى 2518 توننانى قۇرادى.
اقتوبە وبلىسىنا توعىز ۆاگون جونەلتىلدى, ونىڭ ىشىندە 27360 ليتر سۋ, 5400 دانا اسبەست-تسەمەنت شيفەرى, 60 توننا شەگە, 70 توننا اعاش, 240 توننا تسەمەنت بار.