بيىلدان باستاپ «وتباسى بانك» مەملەكەتتىك ءبىلىم بەرۋ جيناقتاۋ جۇيەسىنىڭ (ببجج) قاتىسۋشىسى بولدى. ونىڭ شەڭبەرىندە ازاماتتارىمىز سەنىمدى يپوتەكالىق بانكتە «AQYL» اتتى ءبىلىم بەرۋ جيناقتاۋ سالىمىن اشا الادى. سالىم وتاندىق نەمەسە شەتەلدىك ءبىلىم بەرۋ مەكەمەلەرىندە وقۋ اقىسىن تولەۋگە ارنالعان.
كوپ جاعدايدا اتا-انالار مەملەكەتتىك گرانت جەڭە الماعان بالاسىن وقىتۋ ءۇشىن قاراجات تاپپاي قينالىپ جاتادى. وندايدا بىرەۋدەن قارىز سۇراپ نەمەسە بانكتەن پايىزى جوعارى نەسيە رەسىمدەۋگە ءماجبۇر بولادى. وسىنداي تىعىرىقتان شىعارار جولدى «وتباسى بانك» ۇسىنىپ وتىر. بانكتىڭ «AQYL» دەپوزيتىنە كوپشىلىك ەرەكشە قىزىعۋشىلىق تانىتا باستادى. ويتكەنى جاڭا دەپوزيتتىڭ تيىمدىلىگى وراسان. بالا كامەلەتكە تولعاننان كەيىن ونىڭ اقشاسىن ءبىلىم الۋ ماقساتىندا جۇمساۋعا مۇمكىندىك بار. ەگەر بالا وقۋعا تەگىن تۇسسە, وندا قاراجاتتى شەشىپ الىپ, باسقا قاجەتىنە جاراتادى.
بۇل اقجولتاي جاڭالىقتى ەستىگەن تاراز قالاسىنىڭ تۇرعىنى ايكەن ەسىموۆا ءوزىنىڭ 4 بالاسى مەن قولىندا تاربيەلەنىپ وتىرعان باۋىرىنىڭ 4 بالاسىنا «AQYL» دەپوزيتىن اشۋدى ءجون ساناپتى. ونى بۇل ىسكە بالالارىنىڭ بولاشاعىن وسى باستان كۇيتتەپ جۇرگەن وزگە وتباسىنىڭ قارجى جيناۋ تاجىريبەسى ىنتالاندىرعان ەكەن.
«بۇل شەشىم وتباسىلىق كەڭەستە تالقىلانىپ, شەشىلگەن ماسەلە. سەبەبى بالا مەن اقشا تەورياسى – قوعامدا يگەرىلمەگەن كەڭىستىك. جەكە بانك شوتىندا قارجى جينالىپ جاتقانىن ءبىلىپ وسكەن بالانىڭ ونى ءتيىمدى باسقارۋ تۋرالى پايىمى دا وزىمەن بىرگە وزگەرەدى, جەتىلەدى. جاقىندا 6 جاستاعى بالاسىنىڭ اتىنا 10 ملن تەڭگە جيناعان اتا-انانىڭ تاجىريبەسى تۋرالى قىزىق اقپارات وقىدىم. مەنىڭشە, بۇل جاقسى ءۇردىس ءارى ۇلگى بولۋعا ءتيىس. جيناقتالعان قارجىنىڭ ارقاسىندا مەكتەپتى نەمەسە جوعارى وقۋ ورنىن بىتىرگەن كەزدە بالانىڭ وقۋ اقىسىن تولەۋىنە نە پاتەر ساتىپ الۋىنا مۇمكىندىگى بولادى», دەيدى ا. ەسىموۆا.
اقش-تا اۆتوكولىكتەردى جالعا بەرەتىن كومپانيانىڭ نەگىزىن قالاعان تەيلور بايرون تروت بالالار بۋحگالتەرياسىن بالا كۇنىنەن باستاۋ قاجەتتىلىگىن عىلىمي نەگىزدەپ بەرگەن. كەيىن مۇنى كاسىپكە اينالدىرىپ, بالالاردىڭ قالتا شىعىنى تۋرالى كىتاپ تا جازعان. تروتتىڭ ايتۋىنشا, اتا-انالاردىڭ باستى كەمشىلىگى – بالالارىمەن تابىسى جونىندە اشىق اڭگىمەلەسپەۋىندە. ونىڭ پايىمداۋىنشا, «بالاعا اقشا ساناۋدى ءومىردىڭ ءوزى ۇيرەتەدى» دەگەن پىكىر دۇرىس ەمەس. بىرەۋگە سەنىپ, بىرەۋگە ارقا سۇيەپ قالعان ادام ەشقاشان دامىمايدى. سوندىقتان بالا جاستان قارجىلىق ساۋاتىن قالىپتاستىرۋىمىز كەرەك. ەكى اراداعى بايلانىستىڭ ەرتە باستالعانى قوس تاراپقا دا ءتيىمدى ەكەن.
«جولداسىممەن اقىلداسىپ, وتباسىلىق بيۋدجەتتەن ارتىلعان ازىن-اۋلاق قارجىنى بالاعا ءبولىپ, دەپوزيت اشۋعا شەشىم قابىلدادىق. بالانىڭ اقشاعا قىزىعۋشىلىعى عانا ەمەس, ساتىپ الۋعا بولاتىن, بولمايتىن زاتتارعا كوزقاراسى دا وسى جاستان جەتىلەدى ەكەن. «وتباسى بانكتىڭ» شارتتارى كوڭىلىمىزدەن شىقتى. بانك مەنەدجەرى اقبوتا بۇركىتباەۆامەن اقىلداسقاننان كەيىن كوڭىلدە كۇمان قالمادى. ۋاقىت وتە قارجىنى كوبىرەك سالامىز دەپ ۇمىتتەنەمىن. قارجى ەرتەڭگى كۇنى بالالارىمىزدىڭ ءبىر قاجەتتىلىگىن وتەيدى دەپ سەنەمىن. ەڭ باستىسى, بالالار ءوزىنىڭ اتىنا دەپوزيت اشىلعانىن بىلەدى. بالالارىم ءالى كىشكەنتاي دەمەيمىن. بانكتىك شوتتاعى قارجىسىنىڭ پايىزدىق مولشەرى, باسقاشا ايتقاندا, اقشاسىنىڭ قانشا اقشا تاۋىپ وتىرعانىن ايتىپ بەرەمىن. بالانى قارجىلىق ساۋاتتىلىققا جەتەلەيتىن اڭگىمە وسىنداي ناقتى ارەكەتتەردەن باستالۋعا ءتيىس. بۇرىن اقشامنىڭ ۇستىندەگى تابىستى وزىمە بەر دەيتىن بالام سوڭعى كەزدەرى «جينالىپ تۇرا بەرسىن» دەگەندى ايتاتىن بولدى», دەيدى ايكەن ەسىموۆا.
بانك قىزمەتكەرى اقبوتا بۇركىتباەۆانىڭ ايتۋىنشا, قازىر بالالارىنىڭ اتىنا دەپوزيت اشۋ – بانك سەگمەنتىندە قالىپتاسىپ كەلە جاتقان جاڭاشا ءۇردىس.
«كامەلەتتىك جاسقا جەتكەنشە جيعان قارجى ينفلياتسياعا جۇتىلىپ كەتەدى» دەگەن كۇدىك سەيىلگەن. سالىمشىلار دەپوزيتتىڭ پايىزى جىلدىق ينفلياتسيا دەڭگەيىنەن جوعارى تۇراتىنىن جاقسى بىلەدى. «AQYL» ءبىلىم بەرۋ جيناقتاۋ دەپوزيتى كەمىندە 3 جىل نەمەسە 5 جىل مەرزىمگە اشىلۋى مۇمكىن. ەگەر دەپوزيت كەمىندە 3 جىل مەرزىمگە اشىلعان بولسا, وندا دەپوزيت مولشەرلەمەسى جىلدىق 12%-دى قۇرايدى (جتسم 12,9%-دان باستاپ 13,1%-عا دەيىن). ەگەر دەپوزيت 5 جىلدان كەم ەمەس مەرزىمگە اشىلعان بولسا, وندا مولشەرلەمەسى 9,5%-دى قۇرايدى (جتسم 9,5%-دان باستاپ 10,1%-عا دەيىن). بانكتىڭ ەسەپتەلگەن سىياقىسى اي سايىن كاپيتالداندىرىلادى. سالىم مەرزىمى اياقتالعاننان كەيىن ول اۆتوماتتى تۇردە جاڭارتىلادى. ەگەر بالا گرانت السا, وندا «AQYL» دەپوزيتىندەگى جيناق اقشا كەيىننەن الىنىپ, كەز كەلگەن ماقساتقا, سونىڭ ىشىندە تۇرعىن ءۇي ساتىپ الۋعا جۇمسالۋى مۇمكىن», دەيدى بانك قىزمەتكەرى.
سونداي-اق مەملەكەت جىل سايىنعى سىياقى تاعايىنداۋ ارقىلى بالالاردىڭ ءبىلىم الۋى ءۇشىن ۇنەمدەۋگە كومەكتەسەدى. سالىمشىلاردىڭ بارلىق ساناتى ءۇشىن ول 5%-دى قۇرايدى. ال جەتىم بالالارعا, اتا-اناسىنىڭ قامقورلىعىنسىز قالعان بالالارعا, مۇگەدەك بالالارعا, كوپبالالى جانە جان باسىنا شاققانداعى ورتاشا تابىسى ازىق-ت ۇلىك سەبەتىنەن تومەن وتباسىلاردان شىققان بالالارعا اشىلعان دەپوزيتتەر بويىنشا 7 پايىز كولەمىندە مەملەكەتتىك سىيلىقاقى الىنادى. ول 1 جىل ەڭ از جيناقتاۋ مەرزىمىمەن ەسەپتەلەدى, ياعني مەملەكەت سىيلىقاقىسى ەسەپتەلۋى ءۇشىن سالىمنىڭ دەپوزيتتەگى مەرزىمى ءبىر جىلدان كەم بولماۋى كەرەك.
دەپوزيت اشۋ كەزىندە مىندەتتى باستاپقى جارنا مولشەرى 3 ايلىق ەسەپتىك كورسەتكىش (اەك) نەمەسە 2024 جىلعا ەسەپتەگەندە 11 076 تەڭگەنى قۇرايدى. بولاشاقتا اي سايىنعى سالىمدى تولىقتىرۋ سوماسىن سالىمشى دەربەس انىقتايدى.
«AQYL» دەپوزيتىنىڭ ماقساتى – بالالارىڭىزعا دا, وزىڭىزگە دە وقۋعا قاراجات جيناۋ. ونىڭ كومەگىمەن وتاندىق نەمەسە شەتەلدىك ءبىلىم بەرۋ ۇيىمدارىندا وقۋ اقىسىن تولەۋگە بولادى. «AQYL» دەپوزيتىن «Baspana market» پورتالىندا (otbasybank.kz), بانك بولىمشەسىندە, كەڭەسشىلەردىڭ كومەگىمەن نەمەسە بانكتىڭ hcsbk.kz سايتىنا كىرىپ, بەينەقوڭىراۋ ارقىلى اشۋعا بولادى. «AQYL» ءبىلىم بەرۋ دەپوزيتىن اشۋ ءۇشىن بار-جوعى ەكى-اق قۇجات قاجەت:
اتا-انالارىنىڭ ءبىرىنىڭ جەكە كۋالىگى; بالانىڭ تۋ تۋرالى كۋالىگى جانە جسن.سونداي-اق «AQYL» دەپوزيتى «وتباسى بانكتىڭ» جاڭا ءموبيلدى قوسىمشاسىندا دا قولجەتىمدى. ول ءۇشىن App Store/Play Market دۇكەنىنەن «Otbasy bank lite» ءموبيلدى قوسىمشاسىن جۇكتەپ الۋ قاجەت.
«AQYL» ءبىلىم بەرۋ جيناقتاۋ سالىمى مەملەكەت پەن ءۇشىنشى تۇلعالار تاراپىنان ءوسىمپۇلداردان قورعالعان, سونىمەن قاتار ول قازاقستاننىڭ دەپوزيتتەرگە كەپىلدىك بەرۋ قورى ارقىلى ساقتاندىرىلعان. ايتا كەتەرلىك جايت, ۇلتتىق قوردان الىنعان جيناق اقشامەن «وتباسى بانكىندەگى» «AQYL» دەپوزيتىن تولتىرۋعا بولادى. بيىل 18 جاسقا تولعان ازاماتتار بۇل تولەمدەردى باسقارا الادى. ونى «ۇلتتىق قور – بالالارعا» جوباسى اياسىندا enpf-otbasy.kz پلاتفورماسى ارقىلى ىسكە اسىرۋعا مۇمكىندىك بار.
2 ايدان استام ۋاقىت ارالىعىندا «وتباسى بانكىندە» «AQYL» دەپوزيتى بويىنشا جالپى كولەمى 240 ملن تەڭگەگە 12 700-دەن استام دەپوزيت اشىلدى.