باس قالا اكىمدىگى اباتتاندىرۋ كەزىندە ەلوردا كوشەلەرىن لايلاعان 18 قۇرىلىس كومپانياسى جازالعانىن حابارلادى. تەكسەرۋدى قالالىق قورشاعان ورتانى باقىلاۋ جانە ساپا باسقارماسى اۋدان اكىمدىكتەرىنىڭ ماماندارىمەن بىرلەسىپ جۇرگىزدى, دەپ جازادى Egemen.kz.
تەكسەرۋ بارىسىندا قۇرىلىس نىساندارىنداعى دوڭگەلەكتەردى جۋ پۋنكتى, نەگىزگى جول توسەمىنە قاتتى جاناسۋ, قۇرىلىس قورشاۋلارىنىڭ بار-جوعى باقىلاۋعا الىندى.
ناتيجەسىندە 88 نىساندا ءتارتىپ بۇزۋشىلىق فاكتىلەرى انىقتالدى. ەسكەرتپەلەر ورىندالماعان جاعدايدا پوليتسيا دەپارتامەنتى قر اقبتك 505 جانە 630-باپتارى بويىنشا قورشاۋلار مەن دوڭگەلەكتەردى جۋ پۋنكتتەرى نورمالارىنىڭ تالاپتارىنا سايكەس كەلمەگەنى ءۇشىن اكىمشىلىك حاتتامالار جاسايتىنىن قاپەرگە سالدى.
وسىلايشا, ەلوردانىڭ تابيعاتتى قورعاۋ پوليتسياسى اباتتاندىرۋ ەرەجەلەرىن بۇزعانى ءۇشىن, ونىڭ ىشىندە قورشاۋلاردىڭ ەرەجەگە ساي ورناتىلماعانى ءۇشىن 18 قۇرىلىس نىسانى اكىمشىلىك جاۋاپكەرشىلىككە تارتىلدى.