20 ءساۋىر كۇنى ەلىمىزدىڭ بىرنەشە وڭىرىندە 5 بالا وقىس وقيعاعا تاپ بولدى. ونىڭ ەكەۋى سۋعا باتسا, ۇشەۋى تەرەزەدەن قۇلاپ كەتكەن. بۇل تۋرالى بالا قۇقىقتارى جونىندەگى ۋاكىل دينارا زاكيەۆا الەۋمەتتىك جەلىدەگى پاراقشاسىندا جازدى, دەپ حابارلايدى Egemen.kz.
ء«بىر كۇننىڭ ىشىندە 2 بالا سۋعا باتىپ, ءۇش بالا تەرەزەدەن قۇلاپ كەتتى. بالالاردى سۋ قويمالارىنىڭ جانىندا جالعىز قالدىرماڭىز, تەرەزەلەرگە قورعانىش ق ۇلىپتار ورناتىڭىز. ولاردىڭ قاۋىپسىزدىگى ءوز قولىمىزدا», دەپ جازدى دينارا زاكيەۆا.
كۇن رايى جىلىنىپ, وسىعان ۇقساس جاعدايلار جيىلەگەن. ماسەلەن, 17 ساۋىردە قاراعاندىدا كوپقاباتتى ءۇيدىڭ تەرەزەسىنەن ءۇش جاسار ءسابي قۇلاسا, 20 ساۋىردە ءتورت جاسار قىز ەكىنشى قاباتتىڭ تەرەزەسىنەن قۇلاپ كەتكەن. پاۆلوداردا ءسابي ءتورتىنشى قاباتتان قۇلادى. الايدا ونىڭ ەشبىر جەرىنەن سىنىق, جاراقات بايقالماعان.
ۋاكىل بالالاردىڭ قاۋىپسىزدىگىن قورعاۋ تۋرالى زاڭعا ەنگىزىلگەن تۇزەتۋدە بۇلدىرشىندەردىڭ قاۋىپسىزدىگىن قامتاماسىز ەتپەگەن اتا-انالاردى جاۋاپقا تارتۋ كوزدەلگەنىن ەسكە سالدى.