ەرتەڭ, 23 ساۋىردە مادريد قالاسىندا WTA 1000 ءتۋرنيرىنىڭ شىمىلدىعى تۇرىلەدى. 4 مامىرعا دەيىن وتەتىن بەدەلدى جارىستا قازاقستاننىڭ ەكى تەننيسشىسى - ەلەنا رىباكينا مەن يۋليا پۋتينتسەۆا ونەر كورسەتەدى, دەپ حابارلايدى Egemen.kz.
ءتۋرنيردىڭ ءتورتىنشى راكەتكاسى بولىپ تىركەلگەن ەلەنا رىباكينا جارىستى ەكىنشى اينالىمنان باستايدى. ول الەمنىڭ 46-راكەتكاسى, يتاليا وكىلى ليۋچيا برونتسەتتي نەمەسە ىرىكتەۋ سايىسى جەڭىمپازدارىنىڭ بىرىمەن كورتقا شىعادى. سايىستان سۇرىنبەي ءوتىپ, شيرەك فينالعا شىقسا, الەمنىڭ 6-راكەتكاسى, قىتاي تەننيسشىسى چجەن تسينۆەنمەن كۇش سىناسۋى مۇمكىن.
دۇنيەجۇزىلىك رەيتينگىدە 50-ورىندا تۇرعان يۋليا پۋتينتسەۆا العاشقى اينالىمدا الەمنىڭ 37-راكەتكاسى, قىتايلىق يۋان يۋەمەن كەزدەسەدى.