بۇگىن قازاقستان پارا سپورتشىسى تەمىرحان دايىربەك اكادەميالىق ەسكەك ەسۋدەن پاريج-2024 پاراليمپيادا ويىندارىنا ليتسەنزيا ۇتىپ الدى. ازيا چەمپيوناتى ءساۋىردىڭ 18-21 كۇندەرى وڭتۇستىك كورەيانىڭ چۋندجا قالاسىندا ءوتتى, دەپ حابارلايدى Egemen.kz.
مينيسترلىكتىڭ ءباسپاسوز قىزمەتىنىڭ مالىمەتىنشە PR1m1X اكادەميالىق ەسكەك ەسۋدەن 2000 مەتر قاشىقتىقتى 9 مينۋت 38.81 سەكۋندتا ءوتىپ, ءبىرىنشى ورىنعا يە بولعان تەمىرحان دايىربەك – 2004 جىلعى, تۇركىستان وبلىسىنىڭ سپورتشىسى. پارا اكادەميالىق ەسكەك ەسۋمەن 1 جىلدان بەرى عانا كاسىبي تۇرعىدا اينالىسىپ كەلەدى. ونىڭ جەكە ترەنەرى فاررۋح حامراكۋلوۆ. بۇل پاريج-2024 پاراليمپياداسىنا ۇتىپ العان 12-ءنشى ليتسەنزيا. بۇعان دەيىن پارا پاۋەرليفتينگتەن داۆيد دەگتيارەۆ, پارا كانوەدان بيبارىس سپاتاي, پارا جەڭىل اتلەتيكادان داستان مۇقاشبەكوۆ, پارا وق اتۋدان ەركىن عابباسوۆ, ۆولەيبولدى وتىرىپ ويناۋدان ۇلتتىق قۇراما كومانداسى, پارا جۇزۋدەن 3 ليتسەنزيا جانە پارا تاەكۆوندودان كاميليا دوسمالوۆا, نىشان وميرالي, نۇرلان دومباەۆ العان بولاتىن. ايتا كەتسەك پاريج پاراليمپياداسى تامىزدىڭ 28-ءى – قىركۇيەكتىڭ 8-ءى ارالىعىندا وتەدى.