شىمكەنتتە اۆتوبۋسپەن سوقتىعىسقان سكۋتەر جۇرگىزۋشىسى وقيعا ورنىندا قازا تاپتى, دەپ حابارلايدى Egemen.kz.
جول-كولىك وقيعاسى بۇگىن ساعات 16:30-دا گاگارين كوشەسىندە بولدى.
اپات كۋاگەرلەرىنىڭ ايتۋىنشا, شامامەن 50 جاستاعى سكۋتەر جۇرگىزۋشىسى ءرۋلدىڭ ىستەن شىعۋىنا بايلانىستى №126 باعىتتاعى اۆتوبۋسپەن سوقتىعىسقان.
كۋاگەرلەر جەدەل جاردەم مەن پوليتسيا قىزمەتكەرلەرىن بىردەن شاقىرعان.
الايدا دارىگەرلەر زارداپ شەككەن ادامعا كومەكتەسە المادى. ەر ادام العان جاراقاتتارىنان سول جەردە قايتىس بولدى.
اپات كەزىندە اۆتوبۋستا جولاۋشىلار بولعان. زارداپ شەككەندەر جوق.
جول-كولىك وقيعاسىنان كەيىن سكۋتەر مەن اۆتوبۋس جول-كولىك وقيعاسىنىڭ بارلىق ءمان-جايلارى انىقتالعانعا دەيىن تۇراققا جىبەرىلدى.