ىنتالى ىنتىماقتاستىق

ياكۋتيا – رەسەي فەدەراتسياسىنىڭ اۋماعى بويىنشا ەڭ ۇلكەن ايماق, بۇل ءوڭىر الماز ءوندىرۋ بويىنشا الەمدە ءبىرىنشى, التىن ءوندىرۋ بويىنشا رەسەيدە ەكىنشى, كومىر ءوندىرۋ بويىنشا ءۇشىنشى ورىندا. قازاقستاندا 2024 جىلعى 18-23 ءساۋىر ارالىعىندا وتەتىن ساحا رەسپۋبليكاسىنىڭ كۇندەرىن وتكىزۋ اياسىندا استانادا ياكۋتيانىڭ ينۆەستيتسيالىق جانە تۋريستىك الەۋەتى تانىستىرىلدى.

«بۇگىنگى تۇساۋكەسەر مەن كورمە قازاق­ستاندىق جانە ياكۋتيالىق بيزنەسمەندەر اراسىندا تىكەلەي بايلانىس ورناتۋ جانە تىعىز ءوزارا ءىس-قيمىل ورناتۋ ءۇشىن تاماشا مۇمكىندىك. ءبىز ياكۋت نارىعىمەن تانىسۋ ءۇشىن قازاق­ستان رەسپۋبليكاسىنىڭ ساحا رەسپۋب­ليكاسىنا ساۋدا-ەكونوميكالىق ميسسياسىن وتكىزۋ مۇمكىندىگىن قاراس­تى­رۋعا دايىنبىز. ءوز تاراپىنان قازاقستان ياكۋتياعا ونەركاسىپ, اۋىل شارۋاشىلىعى جانە ازىق-ت ۇلىك ونىمدەرىن جەتكىزۋگە مۇددەلى», دەدى س.جۇمانعارين.

ۆيتسە-پرەمەر مەن ساحا رەسپۋبليكاسىنىڭ باسشىسى ايسەن نيكولاەۆ كورمەگە قويىلعان ياكۋت وندىرۋشىلەرىنىڭ يننوۆاتسيالىق جەتىستىكتەرىمەن جانە ءداستۇرلى تا­ۋارلارىمەن تانىستى. اتاپ ايتقاندا, «حوتۋ تەنت» كومپانياسى جەڭىلدەتىلگەن ءپورتاتيۆتى شاتىرلاردىڭ, گاراج­دار­دىڭ, ونىڭ ىشىندە اۋىر جۇك كولىك­تەرىنىڭ, 70 گرادۋستىق ايازعا ءتوزىم­دى نانوكومپوزيتتى ماتەريالدان جا­سالعان انگارلاردى تانىستىردى.

«بايدام ۋس» وتباسىلىق شەبەرحاناسى سوڭسىز كەپىلدىكتى ياكۋت پىشاقتارىنىڭ كەڭ اسسورتيمەنتىن ۇسىندى. الەمگە ايگىلى ياكۋت گاۋھار تاس­تارى بار زەرگەرلىك بۇيىمدار «جەر كۇشى» اتتى وڭدەلمەگەن المازدارى بار بىرەگەي زەرگەرلىك بۇيىمدار توپتاماسىندا ۇسىنىلعان.