قىرعىز رەسپۋبليكاسىنىڭ پرەزيدەنتى سادىر جاپاروۆ قازاقستان رەسپۋبليكاسىنا رەسمي ساپارى بارىسىندا «قازاقستان عارىش ساپارى» ۇلتتىق عارىش ورتالىعىنا باردى.
ساپار بارىسىندا قازاقستاننىڭ عارىشتىق جەتىستىكتەرى مەن عارىش اپپاراتتارىن قۇراستىرۋ-سىناۋ كەشەنىنىڭ جۇمىسىمەن تانىستى.
وتاندىق ماماندار عارىش مونيتورينگى سالاسىنداعى جوبالار تۋرالى ايتىپ, عارىش اپپاراتتاردى قۇراستىرۋ كەزەڭدەرى مەن شىعارىلاتىن كومپونەنتتەردىڭ ۇلگىلەرىن ۇسىندى. سونىمەن قاتار عارىشقا ۇشىرۋ الدىندا سپۋتنيكتەردى سىناقتان وتكىزۋ جۇمىستارى جۇرگىزىلەتىن اۋماقتاردى دا ارالاپ كوردى.
ورتالىققا بارعان ساپارىندا قىرعىزستان باسشىسى سادىر جاپاروۆپەن بىرگە پرەمەر-مينيستر ولجاس بەكتەنوۆ ءجۇردى. سونداي-اق ەكى ەل اراسىنداعى عارىش سالاسىنداعى سەرىكتەستىككە دە نازار اۋدارىلدى.