مەملەكەت باسشىسىنىڭ ايەل قۇقىعى مەن بالا قاۋىپسىزدىگىن قامتاماسىز ەتەتىن زاڭدارعا قول قويعانى جونىندەگى حاباردى قۋانىشپەن قارسى الدىم. زاڭدارعا ايەل مەن بالاعا قاتىستى كەز كەلگەن سيپاتتاعى زورلىق-زومبىلىق ءۇشىن جاۋاپكەرشىلىكتى قاتاڭداتاتىن, سونداي-اق وتباسى ينستيتۋتىن, كامەلەتكە تولماعانداردىڭ قاۋىپسىزدىگىن نىعايتاتىن نورمالار ەنگىزىلگەن.
«ايەل ءبىر قولىمەن بەسىكتى, ەكىنشى قولىمەن الەمدى تەربەتەدى» دەگەن ءسوز بوسقا ايتىلماعان. وتباسىنداعى ىنتىماق-بىرلىك پەن جاراسىمدى تىرشىلىك ايەلگە تىكەلەي بايلانىستى. قاي ۇيدە ايەل ءوزىن جايلى, باقىتتى سەزىنسە, ۇنەمى ك ۇلىپ-ويناپ, كوتەرىڭكى كوڭىل-كۇيمەن جۇرسە, ومىرىنە ريزا بولسا, سول ۇيدە جاراسىمدىلىق تا, مولشىلىق تا, باق-بەرەكە دە تۇراقتايدى. ونداي ءۇيدىڭ ەر-ازاماتى ارقاشان تابىستى بولىپ, تاربيەلەپ وسىرگەن ۇل-قىزدارى دا جاقسى ادام بولىپ وسەدى. سول سياقتى قاي ەلدە ايەلدىڭ قۇقىعى تولىق قورعالىپ, گەندەرلىك تەڭدىك سالتانات قۇرسا, سول ەلدىڭ مادەنيەتى كەمەلدەنىپ, عىلىم-ءبىلىم, تەحنولوگيا مەن ونەركاسىبى العا باسىپ, ەكونوميكاسى قۋاتتى, قوعامى تۇراقتى بولىپ جاتىر.
سول سەبەپتى پرەزيدەنت قاسىم-جومارت توقاەۆتىڭ باستاماسىمەن قابىلدانىپ وتىرعان زاڭ ەلىمىزدە گەندەرلىك تەڭدىكتىڭ نىعايۋىنا جانە وتباسىلىق زورلىق-زومبىلىقتىڭ تىيىلۋىنا اسەر ەتەدى دەپ سەنەمىن. تۇپتەپ كەلگەندە بۇل قۇجاتتىڭ قابىلدانۋى قازاقستاندى ادام قۇقىعى تولىق قورعالاتىن, قاۋىپسىز, وركەنيەتتى ەلگە اينالدىرۋ جولىنداعى ماڭىزدى قادام بولماق.
گۇلجاھان سايلاۋقىزى,
پەداگوگ